Na Homielščynie z 15 zapłanavanych novych śvinakompleksaŭ nie zapracavaŭ nivodny 2

Kamitet dziaržkantrolu Homielskaj vobłaści pravieryŭ vykanńnie ŭ rehijonie respublikanskaj prahramy rekanstrukcyi, techničnaha pieraasnaščeńnia i budaŭnictva kompleksaŭ pa vyroščvańni śviniej.

Jak paviedamili BiełaPAN u KDK Homielskaj vobłaści, mierapryjemstvy prahramy rekanstrukcyi i budaŭnictva śvinakompleksaŭ u rehijonie nie vykonvajucca.

U adpaviednaści z prahramaj praduhledžvałasia budaŭnictva 15 novych kompleksaŭ z ahulnaj hadavoj mahutnaściu adkormu 270 tysiač hałoŭ. Zhodna z prahramaj, na ŭsich hetych kompleksach užo ŭ 2012 hodzie pavinna było być vyrablena 7.300 ton śvininy.

Pakul nivodzin z novych śvinakompleksaŭ, praduhledžanych prahramaj, nie byŭ uviedzieny ŭ ekspłuatacyju.

Budaŭnictva viadziecca tolki na troch abjektach, pa dvuch abjektach tolki padrychtavana prajektna-kaštarysnaja dakumientacyja, jašče pa dvuch — viaducca raboty pa vyrabie prajektna-kaštarysnaj dakumientacyi, z-za adsutnaści krynicaŭ finansavańnia na vaśmi abjektach raboty nie pačynali.

Pa vynikach pravierak Kamitetam dziaržkantrolu prapanavana Homielskamu abłvykankamu pryniać dziejsnyja miery pa likvidacyi niedachopaŭ i pakarańnia vinavatych asob, a taksama zabieśpiačeńni biezumoŭnaha vykanańnia mierapryjemstvaŭ respublikanskaj prahramy rekanstrukcyi, techničnaha pieraasnaščeńnia i budaŭnictva kompleksaŭ pa vyroščvańni śviniej.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH