Kiroŭcam nieabchodna dobra padrychtavać aŭtamabili da jašče bolš mocnych marazoŭ, jakija čakajucca ŭ bližejšy čas. Takuju rekamiendacyju dajuć va UDAI MUS Biełarusi.
U bližejšyja tydni sinoptyki prahnazujuć jašče bolšaje źnižeńnie tempieratury, tamu
dla dyzielnych ruchavikoŭ nieabchodna vykarystoŭvać śpiecyjalnaje zimovaje paliva.Usim vadzicielam taksama treba pravieryć jakaść achaładžalnaj vadkaści ŭ sistemie achaładžeńnia ruchavika: jaje treba zapoŭnić antyfryzam abo tasołam z adpaviednaj tempieraturaj zamiarzańnia. Važna pravieryć i zarad akumulatarnaj batarei, spraŭnaść sistemy aciapleńnia. Taksama treba nie zabyć zapoŭnić bačok škłoabmyvalnika niezamiarzajučaj vadkaściu.
Akramia taho, DAI rekamienduje aŭtaŭładalnikam, pa mahčymaści, admovicca ad praciahłych pajezdak na asabistym transparcie ŭ samyja niespryjalnyja dni.«Treba padumać ab metazhodnaści pajezdak na aŭtamabilach z dyzielnym ruchavikom. Jak pakazvaje vopyt, u vialikija marazy niekatoryja ź ich zamiarzajuć niepasredna ŭ čas ruchu», — papiaredžvajuć u DAI.
Na zimovaj darozie treba vybirać biaśpiečnuju, bolšuju dystancyju ruchu.Važna paźbiahać lubych rezkich ruchaŭ i manieŭraŭ. «Nie zabyvajcie pra ramiani biaśpieki, paprasicie ab hetym usich u aŭtamabili», — dadali ŭ Dziaržaŭtainśpiekcyi.
Asabliva ŭvažlivymi pavinny być nie tolki vadzicieli, ale i piešachody. Na ślizkaj darozie aŭtamabil časam prosta nie maje techničnaj mahčymaści svoječasova spynicca. Pierachodzić prajeznuju častku možna, tolki pierakanaŭšysia, što kiroŭcy zaŭvažyli piešachoda i prapuskajuć.
0
0
0
0
0
0