Biełaruś zamiataje. Za vychodnyja ŭ niekatorych haradach vypała da 65% miesiačnaj normy śniehu. Nadvorje paŭpłyvała na chutkaść mižharodniaha transpartu, sa spaźnieńniami vykonvajucca avijarejsy.
Žychary Bresta:
«Abureńniu niama miežaŭ. Nie pracujuć, bačycie sami. Nie mahčyma nidzie prajści narmalna. Nie čyščanyja ni daroha, ni chodniki, nidzie ničoha».
«Dvary zamiecienyja śnieham. Chaciełasia b, kab i tratuary čyściej byli».
«Heta nie pad siłu im apracavać darohi dy kala padjezdaŭ, usio zamiecienaje. Heta vielmi ciažkaja praca vypała na ichnuju dolu zaraz».
Ale sprava nie tolki ŭ niedachopie pracoŭnych ruk.
Dvornik kramy «Ałmi»:
«Kali b było možna skazać matam, skazaŭ by. Bo niama techniki dla pryborki dobraj.Administracyja nie stvaraje ŭmovaŭ, nie kuplaje techniku „mini“, takuju miechaničnuju pavarotnuju. Voś heta ŭsio prymušajuć vazić tačkami na harbu».
Chacia zusim niadaŭna bieraściejskija kamunalniki chvalilisia poŭnaju hatoŭnaściu.
Mikałaj Braško, dyrektar VKUP «Kamunalnik»:
«Da ŭborki śniehu my hatovyja, kažu ŭpeŭniena. Jość peŭnyja ciažkaści, niedachop finansavańnia, ale ŭ cełym pradpryjemstva padrychtavanaje».
Akazałasia, što nie. Na bieraściejskich vulicach ciapier ni prajści, ni prajechać. Kamunalniki rajać adkopvacca samastojna.
«Zima nastupiła, nu. Chaj vyjdzie kožny, pračyścić kala siabie i projdzie», — kaža M. Braško.
Kamunalnaja technika, nabytaja za biudžetnyja hrošy, usio ž pracuje. Ale daloka nie na ŭsich vulicach.
«Tolki na centralnych, dzie chodziać aŭtobusy i tralejbusy. Ja pa telefonie takija rečy nie daju. A to my nahavorym, adzin adnoha nie zrazumiejem, i potym ja budu jašče adkazvać», — zaznačaje M. Braško.
Adkazvać jość za što —
«Ja ceły dzień jezdžu — vielmi składana. Baču korki, baču sutyknieńni», — kaža adzin z aŭtaŭładalnikaŭ.
Paharšajuć situacyju i niekatoryja kiroŭcy, bo navat u takoje nadvorje nie ŭklučajuć faraŭ.DAI prosić aŭtaŭładalnikaŭ ustrymacca ad rezkich manieŭraŭ, trymać dystancyju i karystacca ramianiami biaśpieki. A lepš za ŭsio — nie jeździć biez patreby.
«Doma siadzieć, pakul śnieh nie skončycca. — A kali skončycca? — A chto jaho viedaje…», — zaznačaje aŭtaŭładalnik.
A sinoptyki dobrych navinaŭ nie majuć. Uvieś tydzień budzie chałodna i vietrana.
