Biełarusy źviartajuć usio mienš uvahi na isnavańnie Łukašenki. Dobraha ad jaho daŭno nie čakajuć, da drennaha pryvykli i tamu asabliva nie reahujuć.
11 śniežnia adbyłasia svajho rodu histaryčnaja padzieja. Alaksandr Łukašenka davaŭ čarhovuju maštabnuju
Adnak, niahledziačy na svaje zabaŭnyja vykazvańni pra ihru na bajanie, Łukašenka hetym razam nie staŭ hałoŭnym ńjuśmiejkieram.
U hety dzień biełaruski internet abmiarkoŭvaŭ vykładzieny ŭ sietku zapis razmovy dvuch žurnalistaŭ. Karespandent Jeŭraradyjo patelefanavaŭ žurnalistcy z haziety administracyi prezidenta «Savieckaja Biełoruśsija», žadajučy ŭziać kamientar pra asablivaści biełaruskaha adboru na Jeŭrabačańnie. Kalehi nie vielmi miła pahutaryli, dziaržaŭnaja žurnalistka dziŭna chichikała, dziviłasia, čamu joj patelefanavali ŭ paniadziełak, i na raźvitańnie skazała «nienavidžu».
Hutarka zrabiłasia papularnym biełaruskim
Kab zrazumieć, što heta nie vypadkovaść, dastatkova pryvieści jašče niekalki temaŭ, jakija rabilisia samymi papularnymi za apošnija tydni ŭ biełaruskaj infarmacyjnaj prastory. 13 listapada kiroŭca Porsche Cayenne u dvary škoły naśmierć zadaviŭ treciakłaśnika. Pierš čym ujavić, jakaja bura emocyj vyliłasia va ŭsich ŚMI i sacyjalnych sietkach, vy pavinnyja zrazumieć, što Porsche Cayenne u Minsku i, naprykład, u Maskvie — heta dźvie vialikija roźnicy. Dla bolšaści ŭ Minsku heta ŭzor praźmiernaha i navat «nieprystojnaha» dla demanstracyi na publicy ŭzroŭniu bahaćcia. Adzin publicyst navat tak i napisaŭ: maŭlaŭ, miaža prystojnaści prachodzić pamiž Porsche Cayenne i
Nie paśpieła adšumieć hetaja historyja, jak internet vybuchnuŭ kadrami taho, jak u aŭtobusie ŭ Navapołacku adzin z pasažyraŭ, pry jaŭnym maŭklivym uchvaleńni inšych, adciahaŭ za vałasy niemaładuju kantralorku, nibyta ratujučy ad jaje ahresii siamju ź dziećmi. Dziasiatki dyskusij, analityčnyja prahramy z udziełam psichołahaŭ i palitołahaŭ z vysnovami ab tym, što dla biełarusaŭ kantralor — sakralnaja fihura, najnižejšy i samy blizki da naroda pradstaŭnik ułady.
Sakret papularnaści ŭsich hetych niepalityčnych historyj vidavočny: nie majučy mahčymaści vykazvać svaje emocyi ŭ dačynieńni da ŭłady, biełarusy vylivajuć svaju lutaść i frustracyju na kantraloraŭ, zabojcaŭ na darahich mašynach i žurnalistak aficyjnaj presy.
19 śniežnia spaŭniajecca dva hady z dnia apošnich prezidenckich vybaraŭ, jakija stali pavarotnymi ŭ sučasnaj historyi Biełarusi. 2008–2010 hady prajšli ŭ krainie pad znakam libieralizacyi — u ekanomicy, zamiežnaj i ŭnutranaj palitycy. Praviadzi Łukašenka
Choć nie tak i važna, jakaja viersija maje bolšaje prava na isnavańnie, hałoŭnym ujaŭlajecca vynik — vypalenaja pustynia na palityčnym poli Biełarusi.
Usio mienš biełarusaŭ udzielničaje ŭ adkrytaj palityčnaj baraćbie. Apazicyjnyja kadry ŭ mnohich rehijonach krainy
Aficyjnaja śpisavaja kolkaść bolšaści apazicyjnych partyj składaje niekalki tysiač čałaviek (ź jakich realna aktyŭnyja niekalki sotniaŭ). Na kožnych vybarach adbyvajecca ŭsplosk aktyŭnaści, u palityku prychodziać novyja ludzi, ale paśla projhryšu i tradycyjnaj začystki palityčnaha łandšaftu, padobna, jašče bolš z palityki sychodzić, i ahulnaja kolkaść palityčnych aktyvistaŭ zdajecca niaźmiennaj apošnija hadoŭ dziesiać.
Paśla vybaraŭ za dva hady ź Biełarusi vymušanyja byli emihravać tysiačy palityčnych aktyvistaŭ — za miažoj apynulisia cełyja palityčnyja struktury, naprykład, redakcyja papularnaha sajta
U chodzie apytańnia, praviedzienaha Niezaležnym instytutam
Sacyjałahičnyja dadzienyja taksama pakazvajuć, što da adkrytaha vykazvańnia svajoj niezadavolenaści bolšaść nie hatovaja. Navat katastrafičny dla dachodaŭ nasielnictva 2011 hod, kali kurs biełaruskaha rubla za 9 miesiacaŭ upaŭ amal u try razy, nie pryvioŭ da radykalnych sacyjalnych uzrušeńniaŭ.
Maŭklivyja akcyi pratestu byli jarkim vopleskam, zadušanym ŭładami, jakija ŭličyli ŭroki i ŭviali sumnaviadomyja źmieny ŭ zakanadaŭstva («ab biaździejnaści»), paśla jakich navat plaskać na vulicy ŭ ładki možna tolki z dazvołu ŭładaŭ.
Biełaruskija palitołahi analizujuć roznyja scenary źmieny ŭłady, adnak revalucyjny razhladajecca imi jak najmienš realny.Rejtynh prezidenta ŭ apošni hod spyniŭsia dzieści na ŭzroŭni 25–30%, ale z ulikam asablivaściaŭ padliku hałasoŭ jamu chapaje i hetaha, i na kožnych vybarach CVK čarhovy raz abviaščaje pra 80%.
Da Łukašenki ŭžo daŭno pryvykli, jak da kiepskaha biełaruskaha nadvorja.Kolki ty jaho ni klani, jano ad hetaha nie źmienicca — zaŭsiody doždž, zaŭsiody pachmurna. U Biełarusi ŭ hodzie tolki 50 soniečnych dzion. Nu i jak u takich umovach «viečnaj vosieni» nie sfarmavacca ciarplivamu i pamiarkoŭnamu nacyjanalnamu charaktaru?
Ludzi stamilisia abmiarkoŭvać Łukašenku, jaki ŭžo daŭno paŭtarajecca i chodzić pa kole, viedučy za saboj usiu krainu dziŭnym karahodam. Dobraha ad jaho daŭno nie čakajuć, da drennaha pryvykli i tamu asabliva nie reahujuć. «Bizunom abucha nie pierabješ», «kolki možna bicca hałavoj ab ścienku», «nie pluj suprać vietru» — pasłužlivaja narodnaja mudraść hatovaja dać tysiaču apraŭdańniaŭ bajaźlivaści i pasiŭnaści.
Z roznych histaryčnych i sacyjalnych pryčynaŭ historyja stahodździami pryvučała biełarusaŭ vyžyvać. Heta sfarmavała roznyja rysy nacyjanalnaha charaktaru, ale akramia inšaha pryviało da taho, što siaredni biełarus imkniecca nie źmianiać situacyju, a prystasoŭvacca da jaje. Ci, jak sfarmulavała adna daśledčyca biełaruskaha falkłoru i nacyjanalnaha charaktaru, «Biełaruś — kraina nie stratehij, a taktyk». Noč pieražyć dy dzień pratrymacca.
U siońniašniaj situacyi heta aznačaje emihracyju, nie vonkavuju, dyk unutranuju.Tyja, chto nie navažvajecca źjechać, «sychodziać u siabie» — u internet, u pryvatnaje žyćcio, u šopinh.
18 hadoŭ prezidenctva Łukašenki ŭłady słovami i dziejańniami pierakonvali svaich suhramadzian, što nie varta ŭdzielničać u palitycy, što lepš nie vysoŭvacca, što lubaja hramadskaja inicyjatyva karajecca «pa aznačeńni». Padobna da taho, što pierakanali, i ciapier bolšaść zajmajecca tolki tym, što łaje ŭžo nie tolki ŭładu, ale i apazicyju — čamu, maŭlaŭ, vy da hetaha času nie možacie skinuć hetaha Łukašenku?
