Lilija Ananič uziała ŭdzieł u plenumie praŭleńnia HA «Biełaruski sajuz žurnalistaŭ» u Minsku.
Pavodle jaje słovaŭ, infarmacyjnaje pole Biełarusi pryciahalnaje i cikavaje dla zamiežnych ŚMI. «Napeŭna, samaje pryjemnaje toje, što my — cikavaja miedyjnaja placoŭka», — skazała Ananič. Jana adznačyła, što ŭ nastupnym hodzie ŭ Biełarusi projdzie Suśvietny kanhres ruskaj presy. «Heta śviedčyć pra toje, što biełaruskaja presa — hodny kankurent suśvietnym miedyjam», — padkreśliła pieršy namieśnik ministra.
Jašče adzin udzielnik plenuma, staršynia BSŽ Anatol Lemiašonak, adkazvajučy na pytańnie, jakaja budučynia čakaje drukavanyja ŚMI, upeŭniena zajaviŭ, što «hazietnaja žurnalistyka zastaniecca i budzie macnieć». Na jaho dumku, u budučyni jana stanie jašče bolš analityčnaj. Što ž da jaje «sychodu ŭ internet», to staršynia sajuza adznačyŭ: ciapier mnohija drukavanyja vydańni prychodziać da hetaha. «Adnak heta tolki inšaja viersija našych haziet», — skazaŭ jon.
