Siońnia ŭ Miensku adbyłosia pasiedžańnie Palitrady abjadnanych demsiłaŭ. Na im zaćvierdžany dva dakumenty: pahadnieńnie ab padrychtoŭcy i ŭdziele ŭ vybarčaj kampanii i pra abaviazki pretendenta na kandydata ŭ deputaty. Kaalicyja miarkuje vystavić nia bolš za 110 kandydataŭ u deputaty.
Pahadnieńnie ab padrychtoŭcy i ŭdziele ŭ vybarčaj kampanii ŭnosiłasia ad imia piacioch struktur: Abjadnanaj hramadzianskaj partyi, Partyi BNF, Partyi kamunistaŭ Biełaruskaj, BSDP(Hramada) i ruchu «Za svabodu».
Ciapier usie subjekty kaalicyi adpaviedna sa svaim statutam pavinny padpisać hetaje pahadnieńnie.
Pavodle staršyni AHP Anatola Labiedźki, subjekty kaalicyi ŭziali na siabie abaviazki pravodzić supolnuju padrychtoŭku i praviadzieńnie vybarčaj kampanii:
«My idziem adnoj kalonaj, majem adzin śpis pa formule: adna akruha — adzin kandydat. My majem adzin ahulnanacyjanalny mesydž‑pasłańnie. I pravodzim ahulnuju kampaniju. My da hetaha imkniomsia — 110 akruhaŭ i 110 kandydataŭ u deputaty. I ź ich budzie niejkaja kolkaść tak zvanych udarnych akruhaŭ, dzie my budziem zmahacca za pieramožnuju kampaniju i za mabilizacyju ludziej na adstojvańnie vynikaŭ hetaj kampanii».