U pačatku śniežnia źniešni internet-šluz krainy składaŭ 290 Hbit/s. Atrymlivajecca, što mienš čym za miesiac jomistaść mižnarodnych internet-kanałaŭ pavialičyłasia na 60 Hbit/c.
Źniešni internet-šluz pašyrajuć u suviazi z rostam abanienckaj bazy spažyŭcoŭ internet-pasłuh i nieabchodnaściu zabiaśpiečyć jakasny dostup da zamiežnych infarmacyjnych resursaŭ.
Raniej RUP "Biełtelekam" praviało konkurs na zakupku pasłuh internet-dostupu ŭ rasijskim kirunku. Zhodna ź jaho ŭmovami, pieramožca pavinien padać nacyjanalnamu apierataru elektrasuviazi 11 kanałaŭ sumarnaj prapusknoj zdolnaściu 110 Hbit/s. Da druhoha kvartału źniešni internet-šluz Biełarusi płanujecca pašyryć jašče minimum na 10 Hbit/s.
Hiendyrektar taksama raspavioŭ, što nacyjanalny apieratar elektrasuviazi ŭ 2012 hodzie pašyryŭ ułasnuju sietku Wi-Fi da 1300 chot-spotaŭ.
Tolki ŭ Minsku pracuje 712 chot-spotaŭ -- u asnoŭnym u haścinicach, viadučych vyšejšych navučalnych ustanovach, kinateatrach, handlovych i vystavačnych centrach stalicy.U rehijonach pasłuha karystajecca popytam u spartyŭnych kompleksach i sanatoryjach.
0
0
0
0
0
0