Amierykaniec prajeździŭ na svaim aŭto 78 hadoŭ 8

Mister Alen Śvift pamior u 2005 hodzie va ŭzroście 102 hadoŭ, ale jaho aŭtamabilnaja historyja jašče bolš zajmalnaja. Hety čałaviek nie tolki vałodaŭ aŭtamabilem Rolls-Royce daŭžej, čym chto-niebudź, ale i zabiaśpiečyŭ zachavanaść mašyny paśla svajoj śmierci.

Usio pačałosia ŭ 1928 h. u Sprynhfiłdzie (štat Masačusets).

Baćka Śvifta zrabiŭ jamu padarunak na zakančeńnie univiersiteta — Rolls-Royce Piccadilly P1 Roadster (u Sprynhfiłda i Rołs-Rojsa svaja historyja — z 1920 pa 1931 hoda brytanski aŭtavytvorca vypuściŭ 2944 aŭtamabili ŭ jakaści sproby zasnavać zavod u Amierycy). Małady čałaviek adrazu ž prasiaknuŭsia luboŭju da svajoj mašyny.

Jon nie tolki kataŭsia na joj, ale i na praciahu dziesiacihodździaŭ staranna sačyŭ za stanam aŭtamabila (madel atrymała poŭnuju restaŭracyju kuzava i adnaŭleńnie ruchavika ŭ 1988 hodzie).

Rolls-Royce uznaharodziŭ Śvifta kryštalnaj statuetkaj u 1994 h. za praciahłaść vałodańnia mašynaj. Da 2005 hodzie na adamietry aŭtamabila krasavalisia 273.600 kiłamietraŭ, a haspadar byŭ pryznany samym starym čałaviekam, jaki vałodaŭ mašynaj na praciahu ŭsiaho žyćcia.

Ale historyja na hetym nie skančajecca. Śvift pakinuŭ sprynhfiłdskamu histaryčnamu muzieju Lyman&Merrie Wood 1 miljon dalaraŭ na stvareńnie novaha ekspanata i dohlad za rodsteram.

Hety aŭtamabil zaklikany raspavieści Sprynhfiłdu historyju ab vytvorčaści Rolls-Royce u Masačusetsy. Piccadilly P1 Roadster vystaŭleny ŭ transpartnaj kalekcyi muzieja.

Delfi.lt

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH