Dokšycki RAUS pravodzić pravierku pa fakcie hibieli 41 alenia ŭ valjery palaŭničaj dačy Kamajsk. Kryminalnaja sprava nie raspačynałasia, paviedamili BiełaPAN va ŭpraŭleńni Śledčaha kamiteta pa Viciebskaj vobłaści.
Miarkujučy pa infarmacyi na sajcie Dokšyckaha rajvykankama, miortvych aleniaŭ znajšli 26 śniežnia. Na terytoryi ŭ 40 ha tušy žyvioł byli paŭsiul, vyjaŭleny plamy rečyva siniaha koleru. Ź vialikaha statku vyžyli tolki 33 aleni. Ciapier pravodziacca virusałahičnyja, bijałahičnyja i chimičnyja ekśpiertyzy, uziaty proby kormu. Tušy žyvioł utylizavanyja.
Pahałoŭje aleniaŭ u palaŭničaj dačy razvodzili dva hady. Častku žyvioł najbližejšym časam płanavałasia vypuścić na volu.
U palaŭničaj dačy ŭviedzieny karancin. Aleni, jakija vyžyli, pieraviedzieny ŭ inšuju valjeru i znachodziacca pad nazirańniem.
