U vytvorčaści Mazyrskaha rajonnaha adździeła Śledčaha kamiteta Biełarusi znachodzicca kryminalnaja sprava pa fakcie pryčynieńnia ciažkich cialesnych paškodžańniaŭ, jakija paciahnuli śmierć, raspačataja ŭ dačynieńni da žychara rajcentra 1967 hoda naradžeńnia.
Jak paviedamiła aficyjny pradstaŭnik upraŭleńnia Śledčaha kamiteta pa Homielskaj vobłaści Maryja Kryvanohava, syn źbiŭ chvoraha lažačaha baćku, bo nie chacieŭ dahladać jaho.
U kvatery žyli piensijanier 1929 hoda naradžeńnia i jaho syn z sužycielkaj. Žyli na piensiju baćki, bo mužčyna i sužycielka nie pracavali.Piensijanier zachvareŭ i byŭ prykavany da łožka. 30 śniežnia mužčynu, pavodle jaho słoŭ, razzłavała, što ad baćki niepryjemna pachnie, i jon źbiŭ staroha.
Kali mienavita pamior piensijanier, nieviadoma. Pryjacieli padazronaha dali pakazańni, što paśla Novaha hoda byli ŭ haściach u jaho, i chvory baćka lažaŭ na padłozie. Jany jaho pierakłali na łožak. 3 studzienia ŭ kvateru zajšła susiedka i, vyjaviŭšy, što piensijanier miortvy, vyklikała milicyju. Pavodle zaklučeńnia ekśpiertyzy, mužčyna pamior ad zakrytaj
Padazrony svaju vinu pryznaje. Pravodzicca śledstva.
0
0
0
0
0
0