Piotr Prakapovič pryznačany
«Naša Niva» ŭzhadvaje piać faktaŭ pra lehiendarnaha Piatra Piatroviča.
1. «Devalvacyi nie budzie»
Mnohija dumajuć, što ŭ hetaha čałavieka paryk. Ale ž heta pryčoska.
Mnohija dumajuć, što Prakapovič — uvasableńnie hopnika va ŭładzie. Ale ž sustrakajuć pa adziežcy, a pravažajuć po rozumie.
Mnohija dumajuć, što Piatro Piatrovič… mmm… Siarhiej Navumčuk nazvaŭ jaho «debiłam», «bo ich intelektualny ŭzrovień prosta nie pakidaje vam šancaŭ na hutarku». Adnak hetaja charaktarystyka chutčej śviedčyć pra Navumčykava ŭjaŭleńnie, što takoje «rozum». Ale ž Prakapovič 13 hadoŭ uznačalvaŭ Nacyjanalny bank i zasłužyŭ reputacyju pamiarkoŭnaha rynačnika.
Mnohija dumajuć, što ŭ devalvacyi i biaskoncaj inflacyi vinavaty Prakapovič. Ale ž rašeńnie, kolki hrošaj drukavać, prymaje ŭ hetaj sistemie nie Prakapovič.Prakapovič zaŭždy byŭ vykanaŭcam, i ciapier jaho znoŭ pasłali na pasadu ŭ najvyšejšy vykanaŭčy orhan.
Zrešty, za pčołkaju — u miod, za žukom — u hnoj… Proźvišča Prakapoviča ŭ narodnaj pamiaci zastaniecca dziakujučy jahonamu hučnamu nievykananamu abiacańniu.
«Pakul ja źjaŭlajucca staršyniom Nacbanka, devalvacyi bolš za 5% nie budzie», — klaŭsia jon u sakaviku 2011 hoda. Užo praz dva miesiacy biełaruski rubiel abvaliŭsia na 54%. I heta byŭ tolki pačatak.
U samoha ž Prakapoviča pačalisia prablemy sa zdaroŭjem. Apieracyja na sercy, doŭhaja reabilitacyja… — hramadskaść była pierakananaja, što va ŭładu Prakapovič užo nie vierniecca. Nie majučy pasady, jon raźjazdžaŭ pa Brestčynie poruč z hubiernataram.
Na pavierchniu Prakapovič znoŭ uspłyŭ u žniŭni 2012, kali staŭ daradcam Łukašenki pa ekanamičnych pytańniach, a paśla i staršyniom Rady pa raźvićcia pradprymalnictva.
2. Papaŭsia, žučku ŭ panskuju ručku
Prakapovič atrymaŭ budaŭničuju adukacyju ŭ Dnieprapiatroŭsku. Chłopcy ź jahonaha pakaleńnia ź Bieraściejščyny časta vučylisia va Ukrainie, z Bresta ŭ Kijeŭ chadziŭ štodzionny ciahnik.
Razvał Savieckaha Sajuza jon sustreŭ kiraŭnikom «Brestabłsielbuda», arhanizacyi, jakaja budavała karoŭniki va ŭsioj vobłaści.Adzin jahony blizki kaleha na naša pytańnie «nu i jakim byŭ Piatro Prakapovič?» adkazaŭ adnym słovam: «Žuk!»
Adtul jon pajšoŭ deputatam u Viarchoŭny Saviet, dzie nie ŭvachodziŭ u hrupu ćvierdałobych kamuniak, ale trymaŭsia pazicyi namienkłatury. Z Łukašenkam siabravaŭ. I ŭ 1996 jaho pryznačyli namieśnikam staršyni Administracyi prezidenta, a paśla i pieršym
U Nacbank jon pryjšoŭ u 1998 hodzie. Pa ŭspaminach jahonych kaleh, Prakapovič davoli chutka pačaŭ asvojvacca ŭ bankaŭskaj spravie, adnak sistemnaści jahonym viedam brakavała. Zrešty,
Nacbank pry Prakapoviču tak i nie staŭ samastojnaj strukturaj, jon prosta byŭ u padnačaleńni ŭ prezidenckaj administracyi.Kazali, što pohlady ŭ staršyni byli
Za svaju bankaŭskuju pracu Prakapovič navat atrymaŭ status «Hieroja Biełarusi». Paśla devalvacyi rubla, praź jakuju biełarusy zhubili bolš za miljard dalaraŭ aščadžeńniaŭ, hordaha zvańnia jon tak i nie adroksia.
3. Syn kaapieratara. Z Kazłoŭ
Piatro naradziŭsia na Pružanščynie, u vioscy Kazły, adnak usio dziacinstva pravioŭ u Tamašoŭcy. Ciapier heta ŭzorny ahraharadok pad Brestam, litaralna za 100 mietraŭ ad miažy z Ukrainaj.
Svaim biaźbiednym žyćciom Tamašoŭka abaviazanaja pieradusim kasmanaŭtu Piatru Klimuku, adnakłaśniku Prakapoviča.U savieckija časy tut stvaryli muziej kasmanaŭtyki, jaki byŭ uklučany va ŭsiesajuzny turystyčny maršrut. Heta abaviazvała Tamašoŭku być dahledžanaj.
Druhoje dychańnie vioska atrymała dziakujučy Prakapoviču. Brukavanyja drobnaj plitkaj tratuary, škoła budučyni ź zimovym sadam, dva dziciačyja sadki, trochpaviarchovy azdaraŭlenčy centr z tenisnymi kortami… Usio heta źjaviłasia dziakujučy apiakunstvu Nacbanka. Dziakujučy finansavym układańniem, Tamašoŭka ažyła. U adroźnieńnie ad bolšaści inšych nasielenych punktaŭ, u joj navat fiksujecca pryrost nasielnictva.
Baćka Prakapovičaŭ pracavaŭ u spažyvieckaj kaapieracyi, a maci była chatniaj haspadyniaj. Što takoje kaapieracyja ŭ savieckija časy? Adna z kvazirynkavych śfieraŭ.
Maci nie pracavała, bo siamja ŭ ich była vialikaja, jak i šmat u kaho ŭ tyja časy — čatyry syny i dačka.
Piatro byŭ staršym. Jahonyja braty pracujuć adzin laśničym, druhi ŭ transpartnaj halinie. U kiraŭniki pajšoŭ jašče adzin brat, Vasil. Jon ad pačatku
U samoha Piatra siamja mienšaja. Pavodle apošnich źviestak,
jon žyvie ŭ katedžy ŭ Drazdach razam z žonkaj, maje dačku, syna i ŭnukaŭ.
4. Imia ahulnaje
U historyju biełaruskaha internetu Piotr Prakapovič trapić dziakujučy sajtu «Prakapovi.Č», na jakim padčas valutnaha kryzisu 2011 hoda vyznačaŭsia kurs dalara. Dziakujučy hetaj staroncy, tysiačy biełarusaŭ nabyvali i pradavali valutu pa rynkavym, a nie pryznačanym kursie. Kali dalary i jeŭra narešcie źjavilisia ŭ abmieńnikach, patreba ŭ hetym
5. Aŭtohraf
Kali my pabačym aŭtohraf Piatra Prakapoviča, pakinuty im u knizie zapisaŭ Ružanskaha pałaca (hladzicie ŭ fotach), pierad nami paŭstaje čałaviek z chutkim rozumam, biez zavyšanaj samaacenki. Roŭnyja linii radkoŭ pakazvajuć, što jaho ciažka rasstroić drobnymi niepryjemnaściami ci zajavami inšych ludziej. A apošnija litary słovaŭ dy kropka ŭ kancy podpisa vydajuć krajnie aściarožnuju naturu.
Na pasaduvice-prem jera adkaznaha za finansavuju śfieru pryjšoŭ daloka nie revalucyjanier. Zrešty, kali tabie za 70 hadoŭ, a tvajmu pracadaŭcu 58 — da jakich tut revalucyj?
Heta apošniaje pryznačeńnie spadara Prakapoviča. Viaršynia žyćcia. Pasada vice-premjera, adkaznaha za skaračeńnie dziaržaŭnych vydatkaŭ u hod pikavych vypłat pa raniejšych kredytach.
