Dakumient na starabiełaruskaj movie pradajecca na polskim aŭkcyjonie 15

Na papularnym polskim internet-aŭkcyjonie Allegro vystaŭlena na prodaž damova, składzienaja 15 studzienia 1596 hoda ŭ Połacku pamiž Mielchijoram Chiechłoŭskim dy bratami Mikałajem, Piotram i Fiodaram Niemirovič-Ščytami.

Vyjavy dakumienta zamałyja i ciažka niešta pračytać, ale jak paznačaje pradaviec — braty atrymali ad maci Hanny Hlebaŭny Korsak (hierb Korsak) majontak Stajki (ci Stojki).

Zhodna z damovaj, hety majontak jany addali pad zakład Chiechłoŭskamu. «Pa 100 kop hrošaj litoŭskich, ličać hrošy po 10 pieniendzy biełych, a v kopie po 60 hrošaj», — možna razhladzieć naprykancy damovy. Nižej teksta majecca 6 piačatak, try ź jakich — hierba Lubič. Na papiery majecca taksama i vadziany znak z tym samym hierbam.

Tekst damovy mieścicca na šaści staronkach, a ŭsiaho ich ŭ dakumancie — vosiem.

Pačatkovy košt damovy pradaviec aznačyŭ u 850 złotych (prykładna 200 jeŭra). Aŭkcyjon skančajecca 31 studzienia.

Pradaviec śćviardžaje, što dakumient aryhinalny. Na žal, jon nie paznačyŭ ci zhodny pradać i vysłać dakumient za miažu. Ale na sajcie jość mahčyma zadać pytańnie pradaŭcu i damovicca ab ŭmovach prodažu i raźliku.

Rusłan Raviaka

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH