U Stolinskim rajonie znoŭ šukajuć źnikłuju školnicu: hetym razam 13-hadovuju vaśmikłaśnicu 6

Na Stolinščynie čarhovy raz šukajuć dziaŭčynu, jakaja niekalki dzion tamu pajšła ŭ škołu i nie viarnułasia dachaty. Hetym razam źnikła vaśmikłaśnica z v. Małyja Viktaravičy

Z paviedamleńniem pra źniknieńnie dziaŭčynki ŭviečary 17 studzienia ŭ Stolinski RAUS źviarnułasia maci.

Pa słovach žančyny, dniom 15 studzienia jaje 13-hadovaja dačka pajšła na zaniatki ŭ Stružskuju siaredniuju škołu i źnikła. Vaśmikłaśnica sychodziła z domu i raniej, jana znachodzicca na ŭliku ŭ inśpiekcyi pa spravach niepaŭnaletnich.

***

Z pačatku hetaha hoda ŭ Stolinskim rajonie heta ŭžo druhi zafiksavany vypadak sychodu niepaŭnaletniaj. U pačatku studzienia niekalki dzion šukali źnikłuju ŭ navahodniuju noč 9-kłaśnicu z pasiołka Rečyca. Školnica była znojdziena žyvoj u susiednich Mańkavičach, dzie jana ŭ kampanii inšych ludziej chavałasia ŭ padvale staroha doma.

A hod tamu ŭ Stolinskim rajonie prapała 13-hadovaja Julija Lašuk z v. Ladziec. U navahodniuju noč jana nie viarnułasia z dyskateki, a praz dva tydni niedaloka ad jaje chaty było znojdziena cieła dziaŭčynki. U dačynieńni da dvuch adnaviaskoŭcaŭ, pryznanymi vinavatymi ŭ jaje hibieli, vyniesieny prysud.

0

0

0

0

0

0

Volha Arłova, Briestskaja hazieta

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH