Skaračeńnie letnich kanikuł pakul tolki abmiarkoŭvajecca, supakoiŭ školnikaŭ i ich baćkoŭ ministr adukacyi Siarhiej Maskievič.
«Pamianšeńnie praciahłaści letnich kanikuł u hetym hodzie nie płanujecca. My abmiarkoŭvajem pytańni, jakija tyčacca metazhodnaści zachavańnia abo skaračeńnia ahulnaj praciahłaści letnich kanikuł, kanikuł na praciahu navučalnaha hoda, ustalavanaj Kodeksam Respubliki Biełaruś ab adukacyi, u suviazi z tym, što da nas pastupajuć prapanovy ŭ chodzie manitorynhu praktyki jaho prymianieńnia», zajaviŭ ministr padčas anłajn-kanfierencyi na sajcie BiełTA.
Kolki letnich miesiacaŭ biełaruskija školniki praviaduć nie za partami? Na heta, pa słovach Siarhieja Maskieviča ŭpłyvajuć nastupnyja faktary: «praciahłaść adpačynku piedahahičnych rabotnikaŭ, terminy praviadzieńnia vypusknych ekzamienaŭ i centralizavanaha testavańnia, inšyja aśpiekty funkcyjanavańnia dadzienych ustanoŭ adukacyi".
Ministr asabliva padkreśliŭ, što ahulnaja praciahłaść letnich kanikuł, kanikuł na praciahu navučalnaha hoda ŭ Biełarusi (123 kalandarnyja dni) na adzin dzień mienš u paraŭnańni z Rasijskaj Fiederacyjaj, Respublikaj Kazachstan, Ukrainaj, a taksama z Kitajem.
