Narad pałka milicyi śpiecyjalnaha pryznačenia hałoŭnaha ŭpraŭleńnia ŭnutranych spraŭ Minharvykankama 19 lipienia ŭ 10 mietrach ad uvachodu ŭ Biełaruski dziaržaŭny muziej historyi Vialikaj Ajčynnaj vajny znajšoŭ 30‑milimietrovy artyleryjski snarad pieryjadu VAV. Jak paviedamili ŭ hrupie infarmacyi i hramadskich suviaziej HUUS, bojeprypas vyviezieny na palihon i źniščany hrupaj raźminiravańnia śpiecyjalnaha padraździaleńnia pa baraćbie z teraryzmam «Ałmaz» MUS. Jakim čynam snarad apynuŭsia ŭ centry horada, vyśviatlaje Centralnaje RUUS stalicy.
256 minamiotnych min, 22 uzryvalniki i hranata RHD‑33 časoŭ Vialikaj Ajčynnaj vajny byli znojdzieny sapiorami na minułym tydni na čyhunačnaj stancyi «Asaviec» u Kryčaŭskim rajonie Mahiloŭskaj vobłaści. Pra heta BiełaPAN paviedamili ŭ MUS Biełarusi. Pieršaje paviedamleńnie ab znachodcy pastupiła ŭ orhany ŭnutranych spraŭ 18 lipienia. Tady na stancyi padčas praviadzieńnia ziemlanych rabot rabočyja znajšli 55 minamiotnych min.
