Žychar Maładziečna i jaho siabruk źbili dvuch prachožych dy zabrali ŭ ich pradukty. Pry napadzie jany vykarystali hazavy bałončyk.
Incydent adbyŭsia 24 studzienia kala 21.30 kala doma 62 pa vulicy Lasnoj u Maładziečnie. Raniej sudzimy miascovy žychar, 1994 hoda naradžeńnia, razam sa znajomym z Asipovičaŭ, 1997 hoda naradžeńnia, vykarystoŭvajučy hazavy bałončyk, napali na dvuch mužčyn. Źbili ich i vykrali pradukty na 125 tysiač rubloŭ.
Paciarpiełyja -- niepracujučyja žychary vioski Viazynka Maładziečanskaha i Ludvinova Vilejskaha rajonaŭ, 1965 i 1958 hadoŭ naradžeńnia.
Maładyja ludzi zatrymanyja, zaviedziena kryminalnaja sprava pa č.2 art.206 Kryminalnaha kodeksa.Praduhledžanaje artykułam pakarańnie - abmiežavańnie voli na termin da piaci hadoŭ abo pazbaŭleńnie voli na termin ad dvuch da šaści hadoŭ.
0
0
0
0
0
0
