Łužkoŭ atrymaŭ padrad na pabudovu prestyžnaha kvartału na praspekcie Mašerava. Ciapier vyhadny kantrakt dastaniecca jašče adnoj blizkaj da łukašenkaŭcaŭ rasiejskaj struktury.
Alaksandar Łukašenka 24 lipienia pravioŭ naradu, na jakoj abmiarkoŭvalisia investycyjnyja prajekty zabudovy stalicy, u pryvatnaści, terytoryi aeraportu «Miensk‑1» i rajonu, što prylahaje da Nacyjanalnaj biblijateki. Ab hetym BIEŁTA paviedamili ŭ pres‑słužbie kiraŭnika dziaržavy.
U jakaści patencyjalnaha investara ab sabie zajaviła rasijskaja kampanija «Itera Inviest Chołdynh». Prapanavany joju prajekt zabudovy ŭžo ŭzhodnieny ź Mienharvykankamam. Jon i byŭ pradstaŭleny na razhlad prezydenta.
Na miescy aeraportu j Mienskaha avijaramontnaha zavodu planujecca budaŭnictva žyłoha rajonu i administracyjna‑biznesovaha centru «Miensk‑Sici».
Heta moža być płata za palityčnuju i ekanamičnuju padtrymku biełaruskaj administracyi z boku biznes‑kołaŭ, blizkich da mera Maskvy Łužkova i kiraŭnika «Itery» Makarava.
