Miaśnikovič: Urad biare pad asablivy kantrol raschodavańnie srodkaŭ na madernizacyju pradpryjemstvaŭ 2

Efiektyŭnaść raschodavańnia srodkaŭ na prajekty madernizacyi pradpryjemstvaŭ budzie na asablivym kantroli ŭrada, zajaviŭ prem'jer-ministr Biełarusi Michaił Miaśnikovič, zasłuchoŭvajučy spravazdačy niekatorych ministerstvaŭ, u tym liku Minekanomiki, ab hatoŭnaści da vykanańnia zadač 2013 hoda, paviedamlaje pres-słužba ŭrada.

Jak paviedamiŭ ministr ekanomiki Mikałaj Snapkoŭ, orhany dziaržkiravańnia sioleta pavinny skancentravać svaju dziejnaść na niekalkich asnoŭnych kirunkach: madernizacyi dziejnych pradpryjemstvaŭ, zdolnych zabiaśpiečyć ustanoŭleny ŭzrovień pradukcyjnaści pracy; stvareńni novych pradpryjemstvaŭ, a taksama inavacyjnych prajektach. Pavodle jaho słoŭ, madernizacyja budzie pravodzicca na asnovie kankretnych prajektaŭ i ich efiektyŭnaści.

Miaśnikovič daručyŭ Snapkovu dakładna vyznačyć krynicy finansavańnia hetych prajektaŭ: ułasnyja srodki pradpryjemstvaŭ, biudžetnyja srodki, kredytnyja resursy.

Taksama ministr paviedamiŭ, što płanujucca miery pa dalejšym farmiravańni kamfortnaha biźnies-asiarodździa ŭ častcy raźvićcia niedziaržaŭnaha siektara ekanomiki, a taksama palapšeńni inviestycyjnaha klimatu.

U jakaści dvuch asnoŭnych reziervaŭ dla rostu VUP krainy ministr nazvaŭ ekspart i inavacyi.

Hałoŭnyja pakazčyki dla pradpryjemstvaŭ — heta prybytak i zarabotnaja płata, dla abłvykankamaŭ — vałavy rehijanalny pradukt i zarabotnaja płata, dla respublikanskich orhanaŭ dziaržkiravańnia — rost pramvytvorčaści i rentabielnaść prodažu.

Dla raźvićcia pradpryjemstvaŭ — tradycyjnych i novych — usie instytucyjanalnyja ŭmovy stvorany, adnak adčuvajecca niedachop realnych prajektaŭ, kanstatavaŭ ministr. Minekanomiki sumiesna z abłvykankamami praviadzie dapracoŭku prajektaŭ raźvićcia novych pradpryjemstvaŭ pa rajonach, a taksama kankretyzuje pieralik inavacyjnych prajektaŭ dla finansavańnia ich za košt inavacyjnych fondaŭ abłaściej.

Raźvićcio atrymajuć infarmacyjna-kamunikacyjnyja technałohii.

Dla hetaha ministerstva sumiesna z ekśpiertami Mižnarodnaj finansavaj karparacyi raspracuje miery i darožnuju kartu pa intensiŭnym raźvićci hetaha siektara. Ministr pracy i sacyjalnaj abarony Maryjana Ščotkina ŭ chodzie spravazdačy zajaviła, što adnoj z asnoŭnych zadač, jakija stajać pierad ministerstvam u 2013 hodzie, źjaŭlajecca efiektyŭnaje vykarystańnie pracoŭnych resursaŭ, pavyšeńnie vynikovaści zaniataści nasielnictva.

Prem'jer-ministr pryvioŭ prykłady nieracyjanalnaha vykarystańnia pracoŭnych miescaŭ, zališniaj kolkaści rabotnikaŭ na pradpryjemstvach i ŭ arhanizacyjach, paviedamlaje pres-słužba.

Andrej Sierada, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH