Padletak pračnuŭsia ad huku pažarnaha apaviaščalnika i vyratavaŭ ad ahniu pjanoha baćku

13-hadovy chłopčyk (syn haspadara) spaŭ doma i pačuŭ huk spracavała aŭtanomnaha pažarnaha apaviaščalnika. Dom byŭ zadymleny, a ŭ pakoi, dzie spaŭ baćka, pačaŭsia pažar. Chłopčyk razbudziŭ baćku, vyvieŭ jaho ŭ svoj pakoj (dzie było mienš dymu) i ščylna začyniŭ dźviery. Zatym pa mabilnym telefonie vyklikaŭ słužbu «101».

Taksama pačuŭ huki apaviaščalnika žychar vioski Alaksandr Kuryłovič, jaki znachodziŭsia niepadalok ad doma.

Mužčyna raźbiŭ škło ŭ pakoi, dzie znachodzilisia chłopčyk z baćkam, i praz akonny prajom vyciahnuŭ abodvuch na śviežaje pavietra.

Praduchilić trahiedyju dapamahli taksama piśmiennyja dziejańni dyśpietčara Pružanskaha rajonnaha adździeła pa nadzvyčajnych situacyjach Maksima Ładyčuka,

jaki davaŭ chłopčyku praktyčnyja rekamiendacyi pa dziejańniach u situacyi i zastavaŭsia na suviazi ź im da taho času, pakul dzicia nie apynułasia ŭ biaśpiecy.

Pažar byŝ likvidavany padraździaleńniami MNS za 24 chviliny. U vyniku pažaru ahniom paškodžany dach, unutranaje načyńnie i majomaść u domie. Mierkavanaja pryčyna pažaru — nieaściarožnaść pry kureńni ŭ stanie ałkaholnaha apjanieńnia z boku haspadara doma.

112.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH