Pablizu vioski Chodaraŭka Horackaha rajona milicyja sprabavała spynić KamAZ, jaki ruchaŭsia ŭ bok biełaruska‑rasijskaj miažy. Adnak vadziciel vyrašyŭ nie zaŭvažać patrabavańniaŭ i tolki pavialičyŭ chutkaść.
Mabilnaja hrupa Horackaha RUUS pačała praśledavańnie parušalnika: papieradžalnyja streły nie zrabili naležnaha ŭražańnia, tamu milicyjaniery stali stralać pa kołach. Byŭ zrobleny 21 streł, ale hruzavik praciahvaŭ ruchacca litaralna na dyskach. Mašynie ŭdałosia ŭsio ž taki pierasiekčy miažu, i znajšli jaje na rasijskim baku ŭ Kraśnienskim rajonie Smalenskaj vobłasci. Vadziciel źbieh. A ŭ KamAZie znajšli kantrabandny hruz — 15 ton łomu čornaha mietału.
0
0
0
0
0
0
