Nacyjanalny bank Biełarusi padtrymlivaje ideju ŭviadzieńnia kryminalnaj adkaznaści za stvareńnie finansavych piramidaŭ, zajaviŭ namieśnik staršyni praŭleńnia banka Siarhiej Dubkoŭ napres-kanfierencyi ŭ Minsku 6 lutaha.
Pry hetym jon zaznačyŭ, što luboje raźvićcio finansavaha rynku moža mieć vynikam źjaŭleńnie struktur, jakija pavodziać siabie niesumlenna, «heta chvaroba rostu».
«Piramida — heta nasmark, jaho treba lačyć usimi mahčymymi sposabami.Z adnaho boku, prymać miedykamienty ŭ vyhladzie pracy pravaachoŭnych orhanaŭ, a ź inšaha boku — zajmacca zahartoŭvańniem, raźvićciom zdarovaha finansavaha rynku. Heta sumiesnaja praca ŭrada i Nacyjanalnaha banka», — skazaŭ Dubkoŭ.
«Nieabchodnaje ŭniasieńnie źmienaŭ u zakanadaŭstva, u pieršuju čarhu ŭ Kryminalny kodeks, ź jasnaj identyfikacyjaj paniaćcia „piramida“ i źmienaŭ pa adpaviednych artykułach pakarańniaŭ.Usie pytańni da kaleh, jakija zajmajucca jurysprudencyjaj, i da našych zakanadaŭcaŭ», — padkreśliŭ namieśnik kiraŭnika Nacbanka.
Jon źviarnuŭ uvahu na toje, što, naprykład, u Kazachstanie ŭ hetym pytańni «ŭžo vyjšli na finišnuju pramuju pryniaćcia zakona, jaki jasna rehłamientuje, što takoje finansavaja piramida i jakoje pakarańnie jana ciahnie». «Pryčym u mnohich krainach, u tym liku jeŭrapiejskich, heta dakładna zamacavanyja normy», — dadaŭ Dubkoŭ.
Na zakančeńnie jon nahadaŭ, što pa pytańni, źviazanym ź dziejnaściu «MMM» u Biełarusi, sprava pieradadziena ŭ sud. Namieśnik kiraŭnika Nacbanka vykazaŭ nadzieju, što abvinavačanyja «buduć pakaranyja adpaviednym čynam».
***
Nahadajem, supracoŭniki minskaha ofisa
Na sustrečy z žurnalistami 27 krasavika staršynia SK Valeryj Vakulčyk paviedamiŭ, što ŭron ad dziejnaści
Pavodle infarmacyi KDB, kaardynatar finansavaj piramidy i inšyja asoby, dziejničajučy ad imia nie zarehistravanaj u padatkovych orhanach i orhanach miascovaj vykanaŭčaj ułady arhanizacyi
U vyniku niezakonnaj dziejnaści