Bieraściejskija aktyvisty kulturna-aśvietnickaj inicyjatyvy «Hrunt» zładzili akcyju, padčas jakoj razdavali «Mužyckuju praŭdu» — hazietu da 150-hodździa paŭstańnia pad kiraŭnictvam Kastusia Kalinoŭskaha.
Niekalki socień haziet razdali ŭ Bresckim univiersitecie. Potym aktyvisty vyjšli na placoŭku pierad vučelniaj i praciahvali razdavać hazietu tam. Praź niekalki chvilin z univiersitetu vyjšaŭ achoŭnik, jaki zahadaŭ aktyvistam pakinuć placoŭku — maŭlaŭ, «tut ničoha nielha razdavać». Aktyvisty praciahnuli akcyju ŭ inšym miescy.
Siabry «Hruntu» nazvali hazietu «Mužyckaj praŭdaj» u honar toj, jakuju vydavaŭ Kastuś Kalinoŭski pierad paŭstańniem i padčas jaho. Jak kaža kiraŭnik inicyjatyvy Viktar Klimus, u hetym hodzie «simvalična płanujecca vydać siem numaroŭ haziety».
«Mužyckaja praŭda» Kastusia Kalinoŭskaha vydavałasia ź lipienia 1862 pa červień 1863 hoda. Usiaho vyjšła 7 numaroŭ. U haziecie Kastuś Kalinoŭski pad psieŭdanimam Jaśka haspadar z-pad Vilni źviartaŭsia da naroda, rychtujučy hlebu dla nacyjanalna-vyzvolnaha paŭstańnia.
0
0
0
0
0
0
