Bilety na Alimpijskija hulni — 2014, jakija projduć u Sočy, pastupiać u Biełarusi ŭ prodaž u chutkim časie. Pra heta paviedamlajepres-słužba Nacyjanalnaha alimpijskaha kamiteta Biełarusi.
«U hety momant delehacyja NAK Biełarusi na čale z hienieralnym sakratarom Hieorhijem Katulinym znachodzicca ŭ Sočy, dzie viadzie zaklučnyja pieramovy i ŭzhadnieńnie pa pytańniach prodažu biletaŭ na terytoryi našaj krainy», — infarmuje NAK.
Za hod da pačatku XXII zimovych Hulniaŭ u Sočy ab`iaŭleny start prodažu biletaŭ na Alimpijskija hulni. Ale na sajcie XXII Alimpijskich zimovych hulniaŭ i XI Paralimpijskich zimovych hulniaŭ bilety mohuć nabyć tolki hramadzianie Rasii i zamiežnyja hramadzianie, jakija aficyjna žyvuć u krainie. U inšych krainach kupić bilety budzie mahčyma vyklučna ŭ aficyjnych biletnych ahientaŭ, pryznačanych Nacyjanalnymi alimpijskimi kamitetami adpaviednych dziaržaŭ.
Prodaž biletaŭ hramadzianam Respubliki Biełaruś płanujecca pačać u chutkim časie paśla ŭrehulavańnia ŭsich momantaŭ i padpisańnia adpaviednaj damovy z arhkamitetam Hulniaŭ.Pra dzień startu prodažu budzie paviedamlena na sajcie www.noc.by i ŭ respublikanskich ŚMI.
Biletnaja prahrama Hulniaŭ 2014 hoda stanie adnoj z samych maštabnych u historyi zimovych Alimpijad dziakujučy rekordnaj kolkaści vidaŭ sportu i novych vidaŭ spabornictvaŭ, uklučanych u prahramu.
