Dziasiatki tysiač čałaviek vyjšli na vulicy stalicy Tunisa dla ŭdziełu ŭ pachavańni lidara apazicyi Čakry Biełaida. Natoŭp abkružyŭ vajenny hruzavik, u jakim znachodzicca truna Biełaida, zahornutaja ŭ čyrvona-bieły dziaržaŭny ściah.
«Prysutničaje šmat vajskoŭcaŭ, kab praduchilić lubyja sutyknieńni pamiž demanstrantami. My bolš za ŭsio turbujemsia, što mohuć być achviary, jakija znoŭ šturchnuć Tunis u hvałt i niavyznačanaść», -- paviedamlaje Al-Džazira.
Niekatoryja ŭdzielniki pracesii vykrykvajuć łozunhi suprać lidara kirujučaj partyi «An-Nachda» Rašyda Hanušy.
Demanstranty skandujuć «Hanušy -- zabojca i złačynca», «Tunis budzie svabodnym» i «Nie teraryzmu».
Adzin z kiraŭnikoŭ apazicyjnaha «Narodnaha frontu Tunisa» i hienieralny sakratar Demakratyčnaj patryjatyčnaj partyi Čakry Biełaid, jaki byŭ pierakananym śvieckim supiernikam ŭrada ŭmieranych isłamistaŭ, pamior u minułuju sieradu ŭ špitali ad kulavych ranieńniaŭ, atrymanych im la ŭvachodu ŭ svoj dom u stalicy krainy. Paśla jaho śmierci ŭ «kałyscy arabskaj viasny» znoŭ pačalisia šmattysiačnyja akcyi pratestu.
0
0
0
0
0
0
