Basmanny rajonny sud Maskvy zadavoliŭ chadajnictva śledstva ab źmienie miery strymańnia kaardynatara «Levaha frontu» Siarhieju Udalcova, jaki abvinavačvajecca ŭ padrychtoŭcy da arhanizacyi masavych biesparadkaŭ.Jak paviedamiŭ u tvitery sam apazicyjanier, jaki da hetaha času zastavaŭsia pad padpiskaj ab niavyjeździe, jaho vyrašana źmiaścić pad chatni aryšt.
Pa słovach Udalcova,
termin chatniaha aryštu - da 6 krasavika 2012 hoda.Jamu dazvolena mieć znosiny tolki z advakatami i svajakami, vieści pierapisku i karystacca srodkami suviazi zabaroniena. Jak paviedamlaje ahienctva «Interfaks», abarona Udalcova ŭžo zajaviła ab namiery abskardzić rašeńnie Basmannaha sudu ŭ Masharsudzie.
Spravu ab padrychtoŭcy masavych biesparadkaŭ raspačali ŭ kastryčniku 2012 hoda na padstavie materyjałaŭ, uklučanych u dakumientalny film «Anatomija pratestu-2», jaki vyjšaŭ u efir telekanała NTV.
Śledstva miarkuje, što Udalcoŭ razam z tavaryšami pa «Levym frontu» Leanidam Razvazžajevym i Kanstancinam Lebiedzievym vioŭ pieramovy ab finansavańni biesparadkaŭ u Rasii z hruzinskim palitykam i pradprymalnikam Hivi Tarhamadze.
U studzienia 2013 hoda sprava Udalcova, Razvoažajeva i Lebiedzieva abjadnali z spravaj ab biesparadkach, jakija adbylisia na Bałotnaj płoščy ŭ Maskvie 6 maja 2012-ha.
0
0
0
0
0
0