Alesiu Čobatu patrabujecca dapamoha — zbor srodkaŭ na apieracyju 3

Hrodzienski publicyst i litaratar Aleś Čobat trapiŭ u biadu. Biez dapamohi hramadstva jamu budzie składana vyjści ź situacyi, u jakoj jon apynuŭsia, kaža piśmieńnica Danuta Bičel. Jana źviartajecca da žycharoŭ krainy z zaklikam akazać materyjalnuju dapamohu na lačeńnie i reabilitacyju Alesia Čobata.

— U jaho z vačyma prablema, levaje voka atrafiravana ŭvohule. Na pravym voku jamu rabili apieracyju ŭ 2009 hodzie, jano ciapier aślepła. U Hrodnie nie zmahli jamu dapamahčy, u 2-j haradskoj balnicy zrabili niaŭdała apieracyju i skazali, što my, na žal, biezdapamožnyja i dali nakiravańnie ŭ Minsk. Jon ciapier zanchodzicca ŭ minskim centry pry 10-j balnicy.

Tam vielmi dobryja daktary, jany ratujuć jamu voka.

Srodki na dapamohu Alesiu Čobatu možna pieradavać praz Danutu Bičel.

Aleś Čobat — aŭtar knih «Hod», «Novaja Halileja», «Ty nie samotny…», «Kresy» i šmatlikich historyka-psichałahičnych ese, apaviadańniaŭ, chronik i bijahrafij. Jon naležyć da Sajuza biełaruskich piśmieńnikaŭ. Žyvie ŭ Skidzieli.

Źviartacca da spadaryni Danuty Bičel pa telefonach: +375 (33) 622-08-11, +375 (152) 74-55-16.

Radyjo «Racyja»

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH