Na 31 lipienia pryznačana pasiadžeńnie Viarchoŭnaha sudu pa isku Ministerstva justycyi ab prypynieńni dziejnaści Partyi kamunistaŭ Biełaruskaj.
Heta pieršaja apazicyjnaja partyja krainy, u dačynieńni jakoj robicca sproba ŭžyvańnia hetaj novaj represiŭnaj normy zakanadaŭstva.
Mahčymaściu prypyniać dziejnaść palityčnych partyj na termin da šaści miesiacaŭ adpaviedny zakon papoŭniŭsia ŭletku 2005 hoda. Ministerstva justycyi prosić Viarchoŭny sud pakarać PKB pa maksimumie — prypynić dziejnaść partyi na paŭhoda. Sudovaje pasiedžańnie pačniecca a 10‑hadzinie. Intaresy partyi budzie pradstaŭlać jaje kiraŭnik Siarhiej Kalakin.
Tym časam u Miniust padadzienyja dakumienty na rehistracyju Sajuza levych sił — u jaho uvachodziać, aprača PKB, Biełaruskaja sacyjał‑demakratyčnaja partyja (Hramada) i Biełaruskaja žanočaja partyja «Nadzieja». Heta ŭžo druhaja sproba aficyjna zarehistravać kaalicyju. Sajuz levych partyj byŭ stvorany jašče letaś, padčas schodu va ŭkrainskim Čarnihavie. Ale Miniust paličyŭ parušeńniem nacyjanalnaha zakanadaŭstva toje, što ŭstanoŭčy schod adbyŭsia pa‑za miežami krainy. Paŭtornaja kanfierencyja adbyłasia u hetym miesiacy ŭ Minsku na ofisie PKB.
