Pra karupcyju i zhvałtavańni
Za 2012 hod kolkaść karupcyjnych złačynstvaŭ źniziłasia na 26,4 % u paraŭnańni z 2011-m — z 2416 da 1779. Pra heta zajaviŭ namieśnik hienaralnaha prakurora Alaksiej Stuk
Za papiaredni hod byli praviedzieny 636 pravierak vykanańnia antykarupcyjnaha zakanadaŭstva. Pa ich vynikach zaviali 87 kryminalnych spraŭ, a 21 čałaviek byŭ vyzvaleny ad zajmanych pasad.
Razam z tym na 21% uzrasła kolkaść zhvałtavańniaŭ i seksualnych złačynstvaŭ.
Pa słovach Stuka, pavialičyłasia ahulnaja raskryvalnaść złačynstvaŭ. Jana skłała 61,2%.
Pra Statkieviča i Bialackaha
Namieśnik hienprakurora vykazaŭsia pra ŭmovy ŭtrymańnia za kratami palityka Mikałaja Statkieviča i pravaabaroncy Alesia Bialackaha.
«Umovy ŭtrymańnia jak i ŭ inšych asudžanych», — zajaviŭ Stuk. I jany ŭtrymlivajucca adpaviedna ździejśnienym złačynstvam. Statkievič mieŭ niekalki parušeńniaŭ, jakija nie abskardžvalisia. Adpaviedna, jon byŭ pieraviedzieny ŭ turmu.
U Bialackaha taksama majucca parušeńni, jakija, pa infarmacyi Stuka, taksama nie abskardžvalisia.
Pra Varłamava
Na 15 lutaha ŭ sudzie nad Sašam Varłamavym zrobleny pierapynak. Pa słovach Stuka, madeljer budzie prachodzić mahnitna-rezanansnuju tamahrafiju. Pa vynikach MRT, pa słovach Stuka, budzie vyrašacca, ci praciahniecca dalej sud.
Pra aŭto i pjanych kiroŭcaŭ
Na stadyi kančatkovaj raspracoŭki znachodzicca zakonaprajekt pra kanfiskacyju aŭto ŭ pjanych kiroŭcaŭ. Ciapier razhladajecca pytańnie nakont vyklučeńnia sa śpisu transpartnych srodkaŭ, što padlahajuć kanfiskacyi, niekatorych vidaŭ aŭto, što naležać jurydyčnym asobam.
Pra katavańni
Usie zajavy, što byli padzienyja ŭ orhany prakuratury pa faktach katavańnia za kratami, byli pravierany. Ni adzin fakt nie paćvierdziŭsia. Ludzi sami mahli pravakavać na heta, ličyć Stuk.
