Andrej Zababura pierad pačatkam suda 11 lutaha.
Siońnia, 15 lutaha, u sudzie Frunzienskaha rajona Minska byŭ vyniesieny prysud kiroŭcu «Porše Kajena», jaki viečaram 13 listapada 2012 hoda kala škoły № 23 pa vulicy Pančanki ŭ Minsku źbiŭ na śmierć9-hadovaha vučnia3-ha kłasa hetaj škoły Uładzisłava Hrudźjeva.
Zabubara taksama musić apłacić usie vydatki paciarpiełaha boku za jurydyčnuju dapamohu.
Advakat Ihar Papkoŭski zajaviŭ, što prysud vielmi žorstki i jon budzie jaho abskardžvać.
I. Papkoŭski miarkuje, što vinavaty ŭ vypadku i zahinuły chłopčyk U. Hrudźjeŭ, jaki parušyŭ praviły darožnaha ruchu, vyskačyŭšy z-za mašyn. Ale advakat nie paprakaje jaho za heta. Paciarpieŭ adzin chłopčyk, skazaŭ jon, — a ź siońniašnim prysudam paciarpieli troje dziaciej, majučy na ŭvazie dziaciej asudžanaha A. Zababury.
Advakat paciarpiełaha boku Ksienija Kobasa skazała, što pakul nie razmaŭlała sa svaimi padabaronnymi, kab pacikavicca, ci zadavolenyja jany prysudam. Raniej i rodnyja chłopčyka, i ich advakat prapanavali sudu samomu vyznačyć pakarańnie.
Sudździa Bliźniuk taksama vyniesła pastanovu dla administracyi škoły №23 ciaham miesiaca pravieści prafiłaktyčnuju rabotu sa školnikami nakont praviłaŭ darožnaha ruchu.
***
Nahadajem, što praces nad A. Zababuram pačaŭsia ŭ paniadziełak, 11 lutaha.
Prakuror Iryna Łapcevič padčas sprečak bakoŭ 13 lutaha nahadała sudu, što Andrej Zababura svaju vinu nie pryznaŭ. Jana prasiła pakarać abvinavačanaha pazbaŭleńniem voli na 4 hady
Paciarpiełyja (mama, dziadula i babula zahinułaha chłopčyka) vystupać u sudzie admovilisia, pieradaŭšy prava vykazać ich pazicyju advakatu Ksienii Kobasie. Advakat adznačyła, što razhlad spravy nasamreč supravadžała šmat emocyj. Jana taksama akcentavała ŭvahu na vidavočnaści viny abvinavačanaha.
«Znak ab zabaronie ruchu tam byŭ, abvinavačany pahadžaŭsia z tym, što bačyŭ jaho», — skazała advakat. Jana prasiła sud pry vyniasieńni vyraku nie prymać da ŭvahi ekśpiertyzu, praviedzienuju advakatam abvinavačanaha.
«Paśla hetaha vypadku bolšaść žančyn, jakija vypraŭlajuć svaich dziaciej u škoły, nie ŭpeŭnienyja, što ŭbačać ich znoŭ», — zaŭvažyła advakat, ale paprasiła sud pry vyniasieńni rašeńnia kiravacca zakonam. Formu pakarańnia paciarpiełyja pakinuli na vybar suda.
«Z maralnaha punktu hledžańnia ja vinavaty, tamu što staŭ udzielnikam trahiedyi, — skazaŭ A. Zababura ŭ svaim apošnim słovie. — Ja pieražyvaju zdareńnie jak asabistuju trahiedyju, pryznaju maralnuju vinu i hatovy jaje zahładzić».
Zababura zajaviŭ, što nie bačyŭ chłopčyka, jak i toj — jaho. Źviartajučysia da maci zahinułaha Aleny, vadziciel «Parše Kajena» paabiacaŭ joj dapamahać pry lubym rašeńni suda.
Advakat abvinavačanaha Ihar Papkoŭski ličyć, što ŭ sudzie zdabytyja dokazy apraŭdańnia jaho padabaronnaha. Vystupajučy ŭ sprečkach, advakat źviarnuŭ uvahu, što jaho padabaronny «strašna pieražyvaŭ nastupstvy DTZ, nie moh pracavać, žyć, źviartaŭsia da psichołaha». «Jon nie adkupiŭsia hrašami, pieradaŭšy svajakam peŭnuju sumu, — heta było adzina mahčymym krokam paśla trahiedyi, kab źmiakčyć svaju vinu», — rastłumačyŭ advakat.
Pavodle jaho słoŭ, trahiedyja stała mahčymaj u tym likuAdvakat aburany tym, što ŭ škole jość dva administratary, abaviazanyja sačyć za paradkam, ale ŭ momant praviadzieńnia baćkoŭskaha schodu nivodnaha ź ich nie było na vulicy, dzie biez dohladu hulali dzieci, i dzie znachodziłasia mnostva aŭtamabilaŭ, na jakich u škołu pryjechali baćki. «Jany što, sačyli, kab baćki papierki nie kidali i nie bili šyby?» — zadaŭsia pytańniem advakat.z-za nieabuładkavanaści terytoryi kala SŠ № 23,z-za taho, što jana nie była aharodžana, nie było stvorana narmalnych umoŭ dla školnikaŭ i ich baćkoŭ.
Jon ličyć, što sud pavinien padrychtavać pradstaŭleńnie ŭ orhany adukacyi na pradmiet arhanizacyi kantrolu za dziećmi ŭ takoj situacyi. «Zdareńnie — źbieh akaličnaściej. Niama ni viny dzijaciaci, jaho niemahčyma vinavacić, ni vadziciela, jaki nie parušaŭ praviły darožnaha ruchu», — skazaŭ advakat.
