Paŭnočnaja Kareja paviedamiła Kitaj, svajho hałoŭnaha sajuźnika, što źbirajecca pravieści novyja jadziernyja vyprabavańni, a taksama zapuścić jašče adnu rakietu ŭ 2013 hodzie.
«Usie hatova. Čaćviortaje i piataje jadziernyja vyprabavańni, a taksama zapusk rakiety mohuć być ažyćcioŭlenyja ŭ chutkim časie, mahčyma, sioleta», — cytuje Reuters słovy svajoj krynicy, jakaja maje suviazi va ŭradach KNDR i Kitaja. Bolš za toje, mahutnaść jadziernaha zaradu čarhovaj bomby moža być vyšejšaja, čym raniej, i skłaści 10 kiłaton.
U KNDR miarkujuć, što praviadzieńnie jadziernych vyprabavańniaŭ vymusić ZŠA ŭzmacnić pieramovy z Pchieńjanam i padpisać mirnuju damovu,jakaja tak i nie była składziena paśla faktyčnaha zakančeńnia Karejskaj vajny ŭ 1953 h.
Pa słovach krynicy Reuters, Paŭnočnaja Kareja nie baicca dalejšych sankcyj.Jaje ŭłady spadziajucca, što ekanamičnyja reformy, u tym liku źmieny ŭ sielskaj haspadarcy, paspryjajuć pavieličeńniu zboru ŭradžaju ŭ hetym hodzie, što dazvolić źnizić zaležnaść KNDR ad pastavak z Kitaja.
0
0
0
0
0
0
