Afarmleńnie prajaznych dakumientaŭ praz terminały samaabsłuhoŭvańnia na čyhunačnych vakzałach u Minsku i Viciebsku sprościcca, paviedamlaje pres-słužba Biełaruskaj čyhunki.
Nieŭzabavie na ŭsich płaciežna-daviedačnych terminałach samaabsłuhoŭvańnia płanujecca ŭstanavić novuju viersiju prahramnaha zabieśpiačeńnia z aptymizavanym pracesam afarmleńnia prajaznych dakumientaŭ. Jak adznačyli ŭ BČ, jaje testavańnie znachodzicca na zaviaršalnaj stadyi. Asnoŭnaje adroźnieńnie novaj viersii ad staroj zaklučajecca ŭ skaračeńni kolkaści krokaŭ, nieabchodnych dla kupli bileta praz terminał.
Tak, ciapier dla afarmleńnia prajaznoha dakumienta patrabujecca šlacham nacisku na sensarny ekran terminała vykanać 10-15 krokaŭ (u zaležnaści ad vidu bileta), a paśla ŭviadzieńnia novaj sistemy ich kolkaść skarocicca da čatyroch-šaści.
Upieršyniu pasłuha prodažu prajaznych dakumientaŭ praz terminały samaabsłuhoŭvańnia była ŭviedziena ŭ studzieni 2012 hoda. Płaciežna-daviedačnyja terminały funkcyjanujuć na dźviuch stancyjach biełaruskaj mahistrali — Minsk-Pasažyrski i Viciebsk. Praz terminały možna nabyć bilety na ciahniki haradskich linij i rehijanalnych linij ekanamkłasa. Skarystacca pasłuhaj mohuć trymalniki płaciežnych kartak usich bankaŭ Biełarusi. Pry hetym kamisijny zbor nie biarecca.
