U Minski abłasny sud ad Maryi Dabratvorskaj, advakata byłoha pieršaha namieśnika staršyni Minskaha harvykankama Ihara Vasiljeva, pastupiła kasacyjnaja skarha na pryhavor hetaha suda ŭ dačynieńni da jaje padabaronnaha.
Praź Minski abłasny sud heta skarha budzie nakiravana ŭ Viarchoŭny sud Biełarusi.
11 lutaha Ihar Vasiljeŭ byŭ pryhavorany sudom Minskaj vobłaści da 14 hadoŭ pazbaŭleńnia voli va ŭmovach uzmocnienaha režymu z kanfiskacyjaj usioj majomaści. Jon pryznany vinavatym pavodle častki 3 artykuła 430 Kryminalnaha kodeksa (atrymańnie chabaru asobaj, jakaja zajmaje adkaznuju pasadu, u asabliva bujnym pamiery). Były pieršy namieśnik staršyni harvykankama pazbaŭleny pravy zajmać pasady ŭ dziaržaparacie terminam na piać hadoŭ.
Pavodle danych śledstva, Vasiljeŭ byŭ zatrymany supracoŭnikami KDB 6 lipienia 2012 hoda pa padazreńni ŭ vymahańni chabaru ŭ 500 tysiač dołaraŭ ZŠA ŭ pradstaŭnikoŭ češskaha inviestara za spryjalnaje vyrašeńnie pytańnia, jakoje ŭvachodzić u kampietencyju čynoŭnika i źviazana z zaklučeńniem inviestycyjnaha dahavora na budaŭnictva pad Minskam śmiećciepierapracoŭčaha zavoda. Pieradača hrošaj pavinna była ažyćciaŭlacca dźviuma častkami pa 250 tys. dołaraŭ. Vasiljeva zatrymali ŭ słužbovym kabiniecie paśla atrymańnia pieršaj častki chabaru.
Vinu ŭ atrymańni chabaru Vasiljeŭ u sudzie nie pryznaŭ.
