Jak paviedamiŭ načalnik Ivanaŭskaha rajonnaha adździeła Śledčaha kamiteta Alaksandr Novik, 20 lutaha ŭ 19.51 u milicyju źviarnułasia zahadčyca pryvatnaha mahazina ŭ vioscy Jaječkavičy.
Žančyna raskazała, što ŭ hety dzień prykładna ŭ 19.20 na handlovy abjekt zajšoŭ mužčyna. U hety čas tam znachodziłasia jana i pradaviec.
Pahražajučy im nažom, hramadzianin zapatrabavaŭ plašku harełki i 1 młn. rubloŭ.
Paśla taho jak zahadčyca pieradała razbojniku harełku, toj źniziŭ zapatrabavanuju sumu da 300 tys. rubloŭ. Zavałodaŭšy hrašyma i plaškaj śpirtnoha, jon pajšoŭ.
Prykładna ŭ 23.00 złamyśnik byŭ zatrymany supracoŭnikami pravaachoŭnych orhanaŭ na vulicy ŭ vioscy Jaječkavičy. Heta byŭ 35-hadovy niepracujučy, raniej nieadnarazova sudzimy, u tym liku za kradziažy, žychar susiedniaj vioski Patapavičy. Častkova ŭ jaho kanfiskavana vykradzienaje.
Ivanaŭskim rajonnym adździełam Śledčaha kamiteta ŭ dačynieńni da 35-hadovaha mužčyny raspačata sprava pavodle č. 1 art. 207 (razboj) Kryminalnaha kodeksa. Jon źmieščany ŭ izalatar časovaha ŭtrymańnia.
