U sieradu prajšła pieršaja hulnia 2-ha kvalifikacyjnaha raŭndu Lihi čempijonaŭ.
U matčy, što skončyŭsia za niekalki chvilin da apoŭnačy, barysaŭski BATE ŭpeŭniena pieramoh u haściach iślandzki «Chafnarfjordjur» – 3:1. Hały na rachunku Płatonava, Lichtaroviča i Bliźniuka.
Matč u adkaz projdzie ŭ Barysavie 7 žniŭnia.
Miž tym, u piatnicu 3 žniŭnia daterminova projdzie losavańnie 3-ha raŭndu Lihi čempijonaŭ. Pieramožcu pary «Chafnafjordjur» – BATE moža trapicca, naprykład, londanski «Arsenał» ci maskoŭski «Spartak». Hulni 3-ha raŭndu projduć 14-15 i 28-29 žniŭnia. Pieramožca 3-ha raŭndu traplaje ŭ hrupavy turnir Lihi čempijonaŭ, niaŭdačnik – u Kubak UEFA.
Siońnia, u čaćvier, buduć zhulanyja paŭtornyja matčy 1-ha raŭndu Kubku UEFA. U stalicy na stadyjonie «Dynama» adnajmienny klub zhulaje z ryskim «Skonta». Pačatak a 18.30.. U Bieraści miascovyja dynamaŭcy buduć zmahacca ź lijepajskim «Metalurham». Pačatak matču a 19.30.
Dva tydni tamu abodva matčy biełaruska-łatvijskaha supiernictva skončylisia ź likam 1:1.
