Prezientacyja fieratrona XVIII stahodździa — 4 sakavika 6

4 sakavika ŭ Nacyjanalnym histaryčnym muziei Respubliki Biełaruś (Minsk, Marksa, 12) adbudziecca prezientacyja ŭnikalnaha dvuchbakovaha vynasnoha abraza (fieratrona) XVIII st. z fondaŭ Nacyjanalnaha histaryčnaha muzieja Respubliki Biełaruś

Fieratron — u katalickich i ŭnijackich chramach vynasny abraz abo skulptura, jakija vykarystoŭvalisia padčas pracesij. Žyvapisnyja vyjavy ŭ fieratronie raźmiaščalisia z abodvuch bakoŭ, jak praviła, u pryhoža azdoblenym raźbianym kartušy, jaki macavaŭsia na śpiecyjalnym nievysokim stoliku. Akramia svajoj «pracesijnaj» funkcyi, u chramie fieratron vykonvaŭ rolu bakavoha ałtara. Heta, a taksama bahataja raźbianaja azdoba adroźnivajuć jaho ad vynasnych abrazoŭ pravasłaŭnych cerkvaŭ. Zvyčajna adna z vyjavaŭ fieratrona adpaviadała vobrazu śviatoha abo biblejskamu siužetu, u honar jakoha byŭ aśviečany chram.

Na prezientujemym fieratronie da draŭlanaha raźbianoha kartuša z adnaho boku prymacavana žyvapisnaja, napisanaja na pałatnie alejnymi farbami, vyjava Chrysta, z druhoha — Maci Božaj Ružancovaj z uklenčanymi pierad joj śviatym Daminikam i Rozaj Limskaj. Apošnija, u adpaviednaści z pryniataj ikanahrafijaj, pradstaŭleny čorna-biełaj vopratcy daminikanaŭ.

U fondy Nacyjanalnaha histaryčnaha muzieja fieratron patrapiŭ u 1971 h. u vyniku ekśpiedycyi. Adnak z-za drennaha stanu nikoli nie ekspanavaŭsia. U 2012 h. dziakujučy kalektyvu restaŭrataraŭ AAT «Biełrestaŭracyja» na čale z U. S. Nikicinym atrymaŭ druhoje žyćcio. Na prezientacyi dadzieny pomnik historyi, kultury i mastactva paŭstaje pierad naviedvalnikami muzieja ŭpieršyniu

0

0

0

0

0

0