Rasija i Biełaruś pakul nie dasiahnuli kansensusu pa paliŭnym bałansie na 2013 2

Pra heta paviedamiŭ žurnalistam dziaržsakratar Sajuznaj dziaržavy Ryhor Rapota.

Pytańnie paliŭnaha bałansu dźviuch krain abmiarkoŭvałasia 28 lutaha na pasiadžeńni hrupy vysokaha ŭzroŭniu (HVU) Sajuznaj dziaržavy. U pasiadžeńni ŭziała ŭdzieł biełaruskaja delehacyja na čale z sustaršynioj (HVU), staršynioj praŭleńnia Banka raźvićcia Siarhiejem Rumasam. Ad rasijskaha boku sustaršynioj hrupy ź`iaŭlajecca pieršy vice-prem`ier Ihar Šuvałaŭ.

«Minenierha Rasii ŭziało tajm-aŭt, pakolki ciapier iduć intensiŭnyja pieramovy z enierhietykami Biełarusi, najbližejšym časam pavinien być užo niejki vynik,

jon pavinien być pradstaŭleny hrupie vysokaha ŭzroŭniu, kiraŭnikam uradaŭ i kiraŭnikam dziaržaŭ (Rasii i Biełarusi)», — cytuje dziaržsakratara Sajuznaj dziaržavy ahienctva RIA Novosti.

Jak skazaŭ Rapota, na siońnia bałansu niama i jon nie budzie padpisany pa vynikach pasiadžeńnia Vyšejšaha dziaržaŭnaha savieta Sajuznaj dziaržavy Rasii i Biełarusi (płanujecca 15 sakavika), pakolki takija dakumienty padpisvajucca pa vynikach Savieta ministraŭ SD.

Pavodle jaho słoŭ, na pasiadžeńni hrupy vysokaha ŭzroŭniu taksama abmiarkoŭvałasia pytańnie finansavańnia budaŭnictva AES u Biełarusi.

Hałoŭnym čynam razhladalisia pytańni technałahičnaha charaktaru — kredytaŭ, harantyj pad kredyty. Rapota dadaŭ, što finansavańnie AES pravodzicca i budzie pravodzicca z tym, kab stancyja była pabudavana ŭ paznačanyja terminy.

Nahadajem, pieramovy pra pastaŭki nafty iduć z kastryčnika 2012 hoda. Biełaruski bok nastojvaŭ na atrymańni z Rasii 23 młn. ton nafty, Rasija ž prapanavała padpisać bałans u ab`iomie 21 młn. ton.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH