Amierykanskim daktaram, vidać, udałosia vylečyć virus imunadeficytu u dvuchhadovaha dziciaci, paviedamlaje Associated Press.
Imia i poł dziciaci nie raskryvajucca, viadoma tolki, što jon naradziŭsia i žyvie ŭ štacie Misisipi. Užo kala hoda dzicia nie prymaje lekaŭ i pry hetym nie demanstruje nijakich prykmietaŭ virusa. Harantavać, što chvaroba nie vierniecca, lekary pakul nie mohuć, ale kali hetaha nie zdarycca, heta budzie druhi vypadak lačeńnia ad VIČ u historyi.
Miedyki nie mohuć z upeŭnienaściu skazać, u čym pryčyna pośpiechu. Vidać, reč u tym, što miedykamientoznuju terapiju dziciaci pačali raniej, čym heta byvaje zvyčajna, — mienš čym praz 30 hadzin paśla naradžeńnia.
Na siońnia daktaram tolki raz atrymałasia pieramahčy virus imunadeficytu, adnak u tym vypadku pacyjent prachodziŭ inšaje, bolš ryzykoŭnaje lačeńnie — jamu pierasadzili kaściavy mozh ad donara, jaki naležyć da toj niešmatlikaj hrupy ludziej, jakija vałodajuć naturalnym imunitetam suprać VIČ.
