Capf: Ja nie dasiahnuła ničoha

Pra heta jana paviedamiła ŭ intervju «Radyjo Svaboda».

Uta Capf paćvierdziła: jana zakančvaje svaju pracu ŭ Bundestahu. Maŭlaŭ, 23 hady — dastatkova, treba sastupać miesca inšym. Takoje rašeńnie aŭtamatyčna prymušaje jaje pakinuć i pasadu kiraŭnika hrupy pa Biełarusi ŭ Parłamienckaj asamblei ABSIE. Statut hetaj mižnarodnaj arhanizacyi dazvalaje pracavać u joj tolki dziejnym deputatam nacyjanalnych parłamientaŭ.

Vyniki svajoj dziejnaści na čale rabočaj hrupy PA ABSIE pa Biełarusi Uta Capf aceńvaje tak:

«Škada, ale kali pahladzieć na situacyju, ja nie dasiahnuła ničoha.

Ja nie baču ničoha, što mahło b realna śviedčyć, što situacyja ŭ Biełarusi źmianiłasia da lepšaha.

Situacyja stała horšaj, čym jana była ŭ pačatku majho staršynstva. Usio jašče jość palityčnyja źniavolenyja, usio jašče niama pryncypovych źmien u praviadzieńni vybaraŭ, usio jašče ŭ apazicyi niama mahčymaści pracavać naležnym čynam. A ŭzrovień svabody dla ŚMI źnižajecca. Ja dumaju, što hramadzianskaja supolnaść, pravaabarončyja arhanizacyi pa-raniejšamu znachodziacca pad dziaržaŭnym ciskam. I ŭsio heta sapraŭdy sumnaja situacyja. Jana nie palepšyłasia z tych časoŭ, jak ja stała kiraŭnikom pracoŭnaj hrupy pa Biełarusi Parłamienckaj asamblei ABSIE».

Radyjo Svaboda

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH