(7.03.1938—20.01.2013)
Naša minułaje ŭ našaj ziamli,
Byccam schavany ad rycara mieč.
Zamkaŭ ruiny travoj zaraśli,
Nie zarastaje na chutary pieč,
Što zastałasia ad chaty dziadoŭ,
Biełaja, byccam by bieły naš śviet,
Čornaja, byccam zvuhlełaja kroŭ,
I adzinokaja, byccam by śled,
Što šče ciapleje na ściežcy žyćcia,
Pomnim jakoje, ź jakoha ŭciakli,
Kab nam iści iznoŭ da adkryćcia:
Naša minułaje ŭ našaj ziamli,
Byccam by ŭ knizie, jakuju čytaŭ
Ty kožny dzień, kab my čuli, što my
Sami pavinny ŭsio ž vyzvalić z traŭ
Zamki staryja i prodkaŭ damy,
Bo biez byłoha nie budzie ničoha:
Ni Biełarusi, ni šlachu da Boha…
I ty kapaješ, kapaješ ziamlu,
Byccam šukaješ svoj rycarski mieč,
Kab baranić tut usio, što lublu
Ja, jak usie, i na chutary pieč,
Što zastałasia ad chaty dziadoŭ,
Biełaja, byccam by bieły naš śviet,
Čornaja, byccam zvuhlełaja kroŭ,
Rodnaja, byccam minuŭščyny kviet.
