«Siońnia ranicaj «Biełtranshaz» zrabiŭ pieršy płaciož na značnuju častku zapazyčanaści. Tamu «Hazprom» pryniaŭ rašeńnie ad siońniašniaha dnia abmiežavańnia pastavak nia ŭvodzić. My čakajem poŭnaj apłaty ŭsich daŭhoŭ ciaham tydnia. I stopracentnych płaciažoŭ za biahučyja pastaŭki».
Jakuju sumu apłaciŭ biełaruski bok, Siarhiej Kupryjanaŭ nie paviedamiŭ, skazaŭšy, što heta kamercyjnaja infarmacyja.
«Kali biełaruski bok zachoča jaje ahučyć, tady jana heta zrobić. Mahu tolki skazać, što heta značnaja suma», — dadaŭ Kupryjanaŭ.
Jon taksama jašče raz nahadaŭ, što ad 1 lipienia baki pavinny byli pierajści na 100‑pracentnuju apłatu, adnak hetaha nie adbyłosia.
«Dobra, što my viarnulisia da narmalnaha, rabočaha ŭzajemadziejańnia. I raźličvajem ,što i nadalej budziem vyrazna pracavać adpaviedna z padpisanym kantraktam. Ja chaču adznačyć, što my tolki adkłali ŭviadzieńnie abmiežavańniaŭ na tydzień. Tamu ciaham hetaha tydnia treba apłacić sumu doŭhu, jakaja zastałasia. A 23 žniŭnia treba pravieści ŭsie sto pracentaŭ płaciažoŭ za lipień. Budziem hladzieć, jak budzie vykonvać «Biełtranshaz» tyja abaviazacielstvy. Nastupnaja kantrolnaja data 10 žniŭnia,10.00 ranicy. Ale ŭ hetym vypadku mahčymaje skaračeńnie budzie nie takim značnym jak heta było b siońnia, bo častka doŭhu ŭžo apłačana», ‑‑ skazaŭ Siarhiej Kupryjanaŭ.
