Siońnia ŭ Sočy (Rasija) pačaŭsia čarhovy etap Kubka śvietu pa bijatłonie. Pieršymi na trasu vyjšli žančyny ŭ indyvidualnaj honcy z čatyrma ahniavymi rubiažami.
U Darji Domračavaj sioleta byli nie nadta snajpierskija vyniki. Tym nie mienš, u Sočy jana prademanstvała dobry dla siabie pakazčyk.15-kiłamietrovaja honka ličycca najbolš składanaj. Za promach spartsmienu naličvajecca dadatkovaja chvilina, a nie štrafnoje koła. Tamu asabliva važnym stanovicca stralba.
Pieršyja try rubiažy ŭvohule byli biez promachaŭ. A voś na apošnim až dźvie kuli palacieli ŭ «małako».
Adzinaj supiernicaj zastavałasia rasijanka Volha Zajcava, jakaja była biezdakornaj pry stralbie. Tym mienš, biełaruska «źjeła» chadoj pa dystancyi ŭ Zajcavaj až 2,5 chviliny. Treciaja — narviežka Tura Bierhier.
U Domračavaj dvanaccataja pieramoha na etapach Kubka śvietu ŭvohule i treciaja ŭ hetym siezonie.
0
0
0
0
0
0
