U Lubanskim rajonie vyjaŭlena bolš za 130 ha nieprybranaj kukuruzy, paviedamili ŭpres-słužbie Kamiteta dziaržaŭnaha kantrolu Biełarusi.
Pravieryŭšy fakty, vykładzienyja ŭ zvarocie ŭ KDK, śpiecyjalisty Kamiteta dziaržkantrolu Minskaj vobłaści pierakanalisia ŭ tym, što na palach Lubanskaha rajona znachodzicca bolš za 130 ha nieprybranaj kukuruzy. Tak, u AAT «Čyrvonaja źmiena» na 28 lutaha hetaha hoda nie było ŭbrana 9 ha kukuruzy, AAT «Jurkavičy» — 14 ha, AAT «BVA» — 75 ha, KSUP «Ekśpierymientalnaja baza «Lubanskaja»- 36 ha.
Pa vynikach razhladu zvarotu Minabłvykankamu prapanavana abśledavać niesabranyja płoščy na pradmiet ich prydatnaści da ŭborki, a vinavatych pryciahnuć da dyscyplinarnaj i materyjalnaj adkaznaści.
0
0
0
0
0
0