List z «Knihi Carstvaŭ», nadrukavanaj Skarynam.
«Apostał» XVII st. Śpirydona Sobala.
Na aŭkcyjonach staradrukaŭ adšukaŭsia čarhovy łot, jaki ŭjaŭlaje kulturnuju kaštoŭnaść dla Biełarusi — častka knihi Francyska Skaryny. Pra heta paviedamiŭ Andrej Radkoŭ, jaki braŭ udzieł u vykupie Statuta VKŁ.
«Znojdzieny łot — heta asobny arkuš z «Knihi Carstvaŭ», z dakładnaściu 99% nadrukavany ŭ 1518 hodzie. Faktyčna, heta asobnaja staronka, jakaja nie była padšytaja ŭ falijant.Pradavany list, biassprečna, ujaŭlaje kulturnuju kaštoŭnaść dla Biełarusi, bo ŭ krainie jość tolki adzin asobnik Skarynavaj „Biblii“ — kanvalut z 10 jahonych knižak», — kaža Radkoŭ.
Pa słovach Radkova, pieramovami z pradaŭcom zajmajecca dyrektar Muzieja historyi Mahilova Alaksiej Baciukoŭ. «Ciapier łot znachodzicca
Niekalki hadoŭ tamu uładalnik nabyŭ arkušy Skarynavaj „Biblii“ na aŭkcyjonie za dzieviać tysiačaŭ dalaraŭ. Pradać jon pahadziŭsia pa toj samaj canie».
Historyki pryhladajucca i da jašče adnoha histaryčnaha vydańnia.
«My znajšli ŭ prodažy i «Apostał» mahiloŭskaha drukara Śpirydona Sobala,jaki ŭ pieršaj čverci XVII stahodździa zasnavaŭ drukarniu pry Bohajaŭlenskim manastyry.
Kniha znachodzicca nie ŭ Biełarusi, jana acenienaja ŭ 10 tysiačaŭ dalaraŭ ZŠA.My raźličvajem na dziaržaŭnuju dapamohu, ale patrebnuju sumu naŭrad ci atrymajem.
Było b vydatna, kali b Mahiloŭ, jaki sioleta źjaŭlajecca kulturnaj stalicaj krainy, atrymaŭ hetuju knihu», —paviedamlaje Andrej Radkoŭ.
* * *
Kožny moža dapamahčy zboru srodkaŭ, pieraličyŭšy hrošy na rachunak muzieja:
UK «Muziej historyi Mahilova» 212030 Mahiloŭ, vuł. Leninskaja, 1A
rachunak:
UNP 790203960
Filija 700 MAU AAT «ASB Biełarusbank» MFO 153801536
Uvaha: buchhałteryja muzieja prosić dakładna i całkam paznačać metu płaciaža.