Čarhovy dopinh-skandał dla Biełarusi: proba chakieista zbornaj Michalova dała stanoŭčy vynik

Forvard minskaha «Dynama» i zbornaj Biełarusi Andrej Michaloŭ časova adchileny ad hulniaŭ za ŭžyvańnie dopinhu, paviedamlaje aficyjny sajt IICHF.

Dopinh-proba Michalova, uziataja 8 lutaha paśla matču alimpijskaha kvalifikacyjnaha turniru ŭ Danii, pakazała najaŭnaść u kryvi spartsmiena zabaronienaha preparata mietyłhieksanamin.

Kančatkovaje rašeńnie z nahody dyskvalifikacyi chakieista budzie pryniata paźniej. Da hetaha času biełarusu zabaroniena vystupać jak za zbornuju, tak i za kłub.

Mietyłhieksanamin adnosicca da hrupy stymulataraŭ. Jon pavialičvaje pracazdolnaść, palapšaje nastroj, uzmacniaje spalvańnie tłušču. U 2009 hodzie preparat byŭ dadadzieny ŭ śpis zabaronienych rečyvaŭ suśvietnaha antydopinhavaha ahienctva.

Michaloŭ nie hulaŭ za «Dynama», jakoje zmahałasia za Kubak Nadziei, z 7 sakavika. U 33 matčach rehularnaha čempijanatu KCHŁ 35-hadovy forvard nabraŭ 9 ačkoŭ.

0

0

0

0

0

0

Goals.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH