U 21:37 nad kominam nad Sikstynskaj kapełaj pavaliŭ čorny dym, heta aznačaje, što Papu ŭ pieršym tury nie vybrali.
Praciah u sieradu.
U 2005 h. Bieniedykt XVI byŭ abrany ŭ čaćviertym tury, krychu bolej za sutki.
***
Siońnia ŭ 19:30 pačalisia vybary novaha kiraŭnika Katalickaha Kaścioła.U Sikstynskaj kapele Vatykana raspačaŭsia kankłaŭ, u jakim biaruć udzieł 115 kardynałaŭ. Mienavita jany nazavuć imia novaha pantyfika.
Bukmiekiery skłali svoj śpis imaviernych nastupnikaŭ Bieniedykta XVI.
1. Anžeła Skoła (Italija)
71-hadovy arcybiskup Miłana źjaŭlajecca jaŭnym favarytam. Skoła — viadomy teołah, jon aŭtar mnostva knih ab bijamiedycynskaj etycy, čałaviečaj seksualnaści, šlubie. Jon źjaŭlajecca zasnavalnikam časopisa Oasis dla chryścijan, što žyvuć u arabskim śviecie. Skoła z Łambardyi. Vučyŭsia ŭ Miłanie, Paryžy, Manaka. Dysiertacyju abaraniŭ pa Famie Akvinskamu va ŭniviersitecie Frybura (Šviejcaryja). Doŭhi čas vykładaŭ u roznych VNU, u tym liku Papskim univiersitecie. Byŭ rektaram Papskaha Łateranskaha ŭniviersiteta, dapamahaŭ studentam z krain treciaha śvietu. Ad 2002 — Patryjarch Vieniecyi. Ad 2011 — arcybiskup Miłana.
2. Adyliu Piedru Šerer (Brazilija)
Jon naradziŭsia ŭ 1949 u samym paŭdniovym štacie Brazilii Ryu-
3. Piter Kodva Turksan (Hana)
U historyi Vatykana byli Papy ź Siryi, ale z Afryki jašče nie było. Turksanu 64 hady. Ad 2009 hoda jon uznačalvaje ŭ Vatykanie Papskuju Radu Spraviadlivaści i Miru. Da hetaha bolš za 15 hadoŭ byŭ arcybiskupam
4. Tarčyzijo Bertone (Italija)
Dziaržsakrataru Vatykana ŭžo 78 hadoŭ, što značna źmianšaje jahonyja šancy zaniać Śviaty Prastoł. U 2008 hodzie jon naviedvaŭ Biełaruś, dzie mieŭ sustrečy, jak z relihijnymi dziejačami, tak i dziaržaŭnymi. Z ordena salezijancaŭ. Vučyŭsia ŭ Turynie i Rymie. Abaraniŭsia pa dziejnaści Papy Bieniedykta XIV.
5. Mark Uele (Kanada)
Prefiekt Kanhrehacyi pa spravach biskupaŭ u Vatykanie. Da hetaha byŭ arcybiskupam Kviebieka. Naradziŭsia ŭ 1944 u maleńkaj vioscy ŭ Kviebieku. Vučyŭsia ŭ Manreale i Rymie. Ciaham dziesiaci hadoŭ pracavaŭ u Kałumbii. U 2007 Uele publična paprasiŭ prabačeńni za pamyłki Kaścioła ŭ Kviebieku. Siarod pamyłak jon nazvaŭ antysiemietyzm, rasizm, abyjakavaść da karannych narodaŭ, dyskryminacyju žančyn i homaseksualistaŭ.
6. Krystaf Šonborn (Aŭstryja)
Arcybiskupu Vieny 68 hadoŭ. Naradziŭsia na terytoryi sučasnaj Čechii ŭ šlachieckaj niamieckaj siamji. Daminikaniec. Navučaŭsia ŭ Vienie i Paryžy. Prychilnik dyjałoha pamiž katalikami i pravasłaŭnymi. Hanarovy doktar pravasłaŭnaha bahasłoŭnaha fakulteta Bucharesckaha ŭniviersiteta. Papa Jan Pavieł II daručyŭ Šonbornu padrychtavać novy Katechizis katalickaj carkvy.
7. Šon Patryk O'Mieli (ZŠA)
Arcybiskup Bostana. Jamu 68 hadoŭ, naradziŭsia ŭ Ahajo. Adzin kapucyn u Kalehii kardynałaŭ. U 21 hod byŭ pastryžany ŭ manachi. Navučaŭsia ŭ Piensilvanii i Vašynhtonie. Maje stupień mahistra relihijnaj adukacyi i doktar fiłasofii ŭ ispanskaj i partuhalskaj litaratury. Niejki čas słužyŭ dla ispanamoŭnych žycharoŭ ZŠA.