U Hrodzienskim rajonie vajskoviec terminovaj słužby zabiŭ piensijanierku, paviedamlaje hazieta «Pierśpiektyva» sa spasyłkaj na načalnika adździeła achovy pravaparadku i prafiłaktyki Hrodzienskaha RAUS Ivan Kraŭceviča.
Nadzvyčajnaje zdareńnie adbyłasia na minułym tydni na terytoryi Vierciališkaŭskaha sielsavieta.
20-hadovy chłopiec pryjechaŭ na adpačynak dadomu. Hetuju spravu jon vyrašyŭ adznačyć razam z baćkam, zaprasiŭšy ŭ hości i svajho siabra. Paśla zastolla baćka adpraviŭsia spać, siabar pajšoŭ dadomu, a sałdata terminovaj słužby paciahnuła na pryhody. Małady čałaviek nakiravaŭsia da doma susiedki i staŭ vybivać škło. 60-hadovaja žančyna vyjšła na vulicu, daviedacca, što adbyvajecca. U adkaz chłopiec udaryŭ jaje pa tvary i za vałasy paciahnuŭ da adryny, dzie udaryŭ mietaličnaj truboj pa hałavie. Cieła piensijanierki pakinuŭ u chlavie, a sam adpraviŭsia dadomu adpačyvać. Pra zdareńnie ŭ milicyju paviedamiła dačka paciarpiełaj.
U chodzie razboru chłopiec nie zmoh patłumačyć pravaachoŭnikam, navošta jon ździejśniŭ złačynstva. Raspačataja kryminalnaja sprava pa artykule «Zabojstva». Pa dadzienym fakcie pravodzicca pravierka.
