U subotu, 16 sakavika, centr cykłonu budzie adstupać z terytoryi našaj krainy na centralnyja rehijony Jeŭrapiejskaj Rasii.
Nočču i ranicaj u mnohich rajonach, a dniom pa ŭschodniaj pałovie krainy zachavajecca śnieh, zavirucha i śniežnyja zanosy. Nočču pa paŭnočnym uschodzie čakajecca mocny śnieh.Na asobnych učastkach daroh hałalodzica. Viecier paŭnočna-zachodni mocny paryvisty. Tempieratura pavietra: minimalnaja nočču -3 .. -9°S, pa zachodniaj pałovie -10 .. -14°S, maksimalnaja dniom -1 .. -7°S.
U niadzielu, 17 sakavika, śniehapady spyniacca. Tolki pa ŭschodzie krainy projdzie karotkačasovy śnieh. Darohi miescami buduć ślizkimi. Viecier paŭnočny ŭmierany, pa ŭschodzie paryvisty. Tempieratura pavietra: minimalnaja nočču -8 .. -14°S, pa paŭnočnym zachadzie -15 .. -20°S, maksimalnaja dniom -2 .. -8°S, pa paŭnočnym uschodzie da -10°S.
U paniadziełak, 18 sakavika, budzie bieź istotnych apadkaŭ, tolki ŭ paŭnočna-ŭschodnich rajonach nie vyklučany nievialiki karotkačasovy śnieh. Na asobnych učastkach daroh hałalodzica. Viecier paŭnočny ź pierachodam na paŭdniova-zachodni ŭmierany, dniom pa paŭdniovym zachadzie paryvisty.
Tempieratura pavietra: minimalna nočču -14 .. -20°S, miescami -21 .. -27°S, maksimalnaja dniom -2 .. -8°S, pa paŭnočnym uschodzie da -10°S.
