U aŭtorak a 17-j hadzinie ŭ Muzei Bahdanoviča (Trajeckaje pradmieście) adbudziecca viečaryna z nahody jubileju Vitala Skałabana.
Adzin z najlepšych znaŭcaŭ historyi Biełarusi XX stahodździa naradziŭsia ŭ 1947 hodzie ŭ vioscy Šyłavičy Słonimskaha rajonu. Jon skončyŭ u 1970 hodzie Leninhradzki ŭniversytet. Pracu pačaŭ u vydaviectvie «Biełaruskaja encyklapedyja».
Schavaŭšysia ŭ Nacyjanalnym archivie ad źmienlivaściaŭ času, historyk Skałaban kapaje i kapaje minuŭščynu biełaruskaj kultury. Jaho adroźnivaje talent rabić adkryćci ŭ tych spravach, jakija ŭsim zdavalisia źviedanymi i pradkazalnymi.
Doŭnar-Zapolski, Ułaščyk, Kupała, Harecki, Ihnatoŭski, Płatonaŭ, KPB — heta tolki asobnyja z abjektaŭ zacikaŭlenaści historyka Skałabana.