Aleś Jaŭdacha maje patrebu ŭ dapamozie: siońnia — apošni dzień 1

Viadomy raspaŭsiudnik biełaruskich knižak pavinien da 18 sakavika, paniadziełka, spłacić štraf pamieram bolš za 6,5 tys. dalaraŭ. Kali štraf nie budzie vypłačany ciaham miesiaca, aryštavanuju majomaść Alesia Jaŭdachi (sistemny błok kampjutara, zabrany padčas pieratrusu) puściać z małatka.

Taksama buduć kanfiskavanyja apisanyja raniej rečy: manitor, drukarka, aŭdyjosistema da kampjutara. Kali hrošaj ad ich realizacyi nie chopić dla pahašeńnia štrafu (a ich dakładna nie chopić), nakirujuć vykanaŭčy list na pracu, kab vyličvali 50% z zarobku».

Achvotnym dapamahčy treba źviartacca da samoha Alesia na mejł: [email protected]

***

Nahadajem, što Aleś Jaŭdacha dasyłaŭ praz poštu biełaruskija knihi, u

tym liku viadomych biełaruskich aŭtaraŭ: Vasila Bykava, Uładzimira Arłova, Mikoły Jermałoviča, Ryhora Baradulina.

Najezd na jaho pačaŭsia paśla taho, jak jon staŭ raspaŭsiudžvać i knihu «Maładafrontaŭcy».

U jahonaj dziejnaści padatkovaja inśpiekcyja i Departamient finansavych rasśledavańniaŭ uhledzieli niezakonnaje pradprymalnictva, zaviali spravu i pieradali jaje ŭ sud, jaki pačaŭsia ŭ 2011 hodzie.

U lipieni 2012 hoda Aleś Jaŭdacha byŭ pakarany hodam abmiežavańnia voli biez nakiravańnia ŭ papraŭčyja ŭstanovy (h.zv. «chatniaja chimija», termin pačaŭ adbyvać z 15 kastryčnika 2012).

Taksama było pastanoŭlena spahnać ź jaho 54 młn 536 tys. 600 rubloŭ kampiensacyi škody i 2 młn 726 tys. 830 rubloŭ dziaržaŭnaj pošliny.

nn.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH