Fiederacyja futboła Hrecyi pažyćciova adchiliła paŭabaroncu AJEKa Hiorhasa Kacidzisa ad vystupaŭ za nacyjanalnyja kamandy. 20-hadovaha hulca pakarali za nacyscki chajl, jaki jon vybraŭ u jakaści sposabu śviatkavańnia zabitaha hoła.
«Učynak hulca, jaki pavitaŭ zaŭziataraŭ nacysckim salutam, heta surjoznaja pravakacyja, jakaja abražaje ŭsich achviaraŭ nacysckaha režymu i nanosić škodu hłyboka mirnaj i humanistyčnaj sutnaści futboła», — havorycca ŭ paviedamleńni fiederacyi.
Kacidzis padvierhsia krytycy z boku palityčnych partyj i futbolnych zaŭziataraŭ. Kiraŭnictva kłuba AJEK paprasiła, kab Kacidzis vybačyŭsia za svoj učynak.
Hulec prynios svaje aficyjnyja prabačeńni, ale pry hetym rastłumačyŭ svoj učynak zusim užo niedarečna, zajaviŭšy, što nie viedaje, što hety žest aznačaje.
«Heta niejkaje nieparazumieńnie, — skazaŭ Kacidzis. — Ja paniaćcia nie mieŭ, što jon aznačaje, inakš nie staŭ by tak rabić».
Budučynia hulca ŭ kłubie budzie vyrašana na pasiadžeńni rady dyrektaraŭ na nastupnym tydni.
0
0
0
0
0
0
